Sam-jū-keng Sin-choān Pe̍k-oā Chù-kái/Sam-jū-keng 3
| Sam-jū-keng 2 | Sam-jū-keng Sin-choān Pe̍k-oā Chù-kái 三字經新篡白話註解 (1894 nî) Sam-jū-keng 3 Chok-chiá: Î Jiâu-lí
|
Sam-jū-keng 4 |
| 1904 nî tiông-ìn. |
| 25 | 昔 | sek | chāi-chá |
| 26 | 孟 | Bēng | Bēng-chú |
| 27 | 母 | bú | lāu-bú |
| 28 | 擇 | te̍k | te̍k-soán, kéng-soán |
| 29 | 鄰 | lîn | lîn-iū, chhù-piⁿ |
| 30 | 處 | chhú | khiā-kh |
| 31 | 子 | chú | kiáⁿ |
| 32 | 不 | put | m̄ |
| 33 | 學 | ha̍k | tha̍k |
| 34 | 斷 | toān | koah-tn̄g, ka-tn̄g |
| 35 | 機 | ki | pò͘-kui |
| 36 | 杼 | thú | hūi-, keⁿ-hūi |
Chāi-chá Bēng-chú ê lāu-bú te̍k-soán lîn-iū lâi khiā-khí tī-hia. Tng í-ê kiáⁿ m̄ tha̍k, chiū koah-tn̄g i-ê pò͘-kui keⁿ-hūi ê sòaⁿ.
‘Bēng-chú’ chiū-sī Bēng Kho, jū-miâ Chú-û, sī Cho͘-kok ê lâng. I-ê lāu-pē chá-sí, chiū i-ê lāu-bú gâu pôe-iúⁿ i, ài i-ê kiáⁿ chò ha̍k-būn ê lâng. I saⁿ-pái sóa chhù. Thâu-chit-pái tòa tī kīn bōng ê só͘-chāi, Bēng-chu lóng sī thit-thô bâi-chòng ê tāi-chì, hō͘ i-ê lāu-bú lâi hiâm. Tē-jī-pái sóa khì khiā-khí ke-chhī, Bēng-chú lóng-sī thit-thô bé-bē ê tāi-chì, hō͘ i-ê lāu-bú koh hiâm. Tē-saⁿ-pái sóa tī o̍h-keng ê piⁿ, Bēng-chú chiū ha̍k-si̍p hēng-lé saⁿ-niū ê tāi-chì, hō͘ i-ê lāu-bú hoaⁿ-hî tòa tī-hia.
Ū chi̍t-ji̍t Bēng-chú pîn-tōaⁿ m̄ tha̍k-chheh, chiū i-ê lāu-bú ka-tn̄g kui-pò͘ kà-sī i kóng, Lí m̄-tha̍k chiū m̄-chiâⁿ lâng, chhin-chhiúⁿ góa ka-tn̄g chit-ê kui chiū m̄-chiâⁿ pò͘. Tùi hit-tia̍p Bēng-chú khîn-khîn tha̍k-chheh, aū-lâi chiâⁿ À-sèng. I-ê sian-seⁿ chiū-sī Khóng-chú ê sun (Khóng Khip) ê ha̍k-seng. Kàu sì-cha̍p-hòe i pún-sin chiū chhut-lâi chò sian-seⁿ. I ū piàn-piàn kiâⁿ-iû lia̍t-kok, kà-sī hiah-ê jîn-kun kap jîn-sîn. Khah aū-lâi ta̍k só͘-chāi ê lâng ài saⁿ kong-kek, bô tùi-tiōng i-ê tō-lí; só͘-í i ū ún-ku tī i pún só͘-chāi, tī hia chha-put-to jī-cha̍p-nî kú kap i-ê ha̍k-seng siông-siông chū-hōe. Kàu peh-cha̍p-sì hòe chiah sí, sī Khóng-chú sí liáu-sū pah-gōa nî.
Khóng-chú í-gōa, Tiong-kok lâng khah-tōa tùi-tiōng Bēng-chú ê kà-sī.