Chia̍h chhı̄-liāu
Seⁿ ke-nn̄g
Thih-chhù ke-tiâu
Chı̍t-keh chı̍t-chiah
Chı̍t-pha teng-hoé
Chı̍t-chióng khang-khoè
Sı̀ⁿ-miā ê chûn-chāi
Hoà-chò siōng kán-tan ê hêng-thài
M̄-chai siáⁿ-mı̍h sı̄ thâng
M̄-chai siáⁿ-mı̍h sı̄ lāi-hio̍h
Chhı̄-liāu chı̍t-chô
Bián hoân-ló hō͘-lâm hong-iô
Bô jı̍t-thâu ê seng-oa̍h
Tiān-hoé chı̍t-pha
Chia̍h liáu-pún
Boē seⁿ-nn̄g
Tó tı̄ lō͘-piⁿ ê ke
Sı̄ m̄ sı̄ ē hō͘ lâng
Piàⁿ-khı̀ chàu-kha lāi
Khoài-chhan chū-chō͘-chhan
“Chá-chi-koái”
Chò choè-āu ê hōng-hiàn
Seⁿ-nn̄g-ke ê ūn-miā
It-seng it-sè
Lóng tı̄ hia
M̄ bat thiaⁿ-koè thâu-ke
Kóng chı̍t kù kám-siā
