Siân-sé Sit-lé

Lú-koán ê thâu-ke teh kā A, B, C 3 ê lâi èng-tin ho̍k-bū-seng ê cha-po͘--ê kháu-chhı̀. “Lí bô-ı̀-tiong sak khui pâng-keng mn̂g, khoàⁿ-tio̍h cha-bó͘ lâng-kheh thǹg kng-kng bô chhēng poàⁿ niá saⁿ, jı̂-chhiáⁿ lâng-kheh mā ū khoàⁿ-tio̍h lí. Lí beh kóng sím-mı̍h?” A: “Sit-lé. Kín thè--chhut--lâi, koaiⁿ-mn̂g". B: “Sit-lé, sió-chiá. Kín thè--chhut--lâi, koaiⁿ-mn̂g.” C: “Sit-lé, siân-sé. Kín thè--chhut-lâi, koaiⁿ-mn̂g.” Hō͘ lí ioh, siáⁿ-lâng pı̄ lio̍k-chhú? Tap-àn: C !