Siòng-miā

 Pêng-iú chhau-siá goá ê peh-jı̄ 
  Chhiáⁿ siòng-miā-sian pâi miā-poâⁿ 
  Siòng-miā-sian kóng goá 
  Thian-seng chiok ok-chı̍t 
  M̄-sı̄ sin-thé kan-khó͘ pēⁿ-thiàⁿ 
  Choa̍t-tùi sı̄ jı̂n-kan 
  Toā lô͘-moâ 
 Kiò goá chhun-chhiú hō͘ i siòng-miā 
  I kóng goá ê chhiú-lāi 
  Ū chiok toā ê sū-gia̍p 
  Ū chhiau-jı̂n ê tı̀-hūi 
  Ū tn̂g-tn̂g ê hoè-siū 
  Ū bí-boán ê kám-chêng-soàⁿ 
 Goá siáⁿ-mı̍h lóng m̄ chai-iáⁿ 
  Ta̍k-jı̍t siang-chhiú khang-khang 
  M̄ chai chhut-sı̀ tó chı̍t tang 
  Koè chı̍t-chióng 
  Thoat-soàⁿ thoat-soàⁿ ê seng-oa̍h