Siōng-tè ê Chı̂ⁿ

Lé-pài-jı̍t ta̍k-ê chò-hoé beh khı̀ kàu-tn̂g chò lé-pài. A-bú the̍h 2 kâi 5 kho͘ ê gı̂n-kak-á hō͘ A-tin, koh te̍k-pia̍t kiông-tiāu chı̍t ê hō͘ i, chı̍t ê tiāⁿ-tio̍h ài hōng-hiàn hō͘ Siōng-tè. In hoaⁿ-hoaⁿ hí-hí tàu-tı̄n chhut mn̂g. A-tin ná chhiùⁿ-koa, ná kiâⁿ ná chông. Bô tiuⁿ-tı̂ soà poa̍h chı̍t tó. Chı̍t kâi 5 kho͘ ê gı̂n-kak-á lı̀n tùi chúi-kau lo̍h--khı̀. A-tin toā-siaⁿ jiáng: “A-bú ! Siōng-tè ê chı̂ⁿ lak bô--khı̀ ah !”