1 Lán taⁿ tāi-ke thoân-thoân ûi-chū,
Lı̍p lâng lâi choè Bo̍k-su;
Khún-kiû Thiⁿ-pē, si-un chiàu-kò͘,
Éng oán choè i ê Chú.
2 Hō͘ i siông-siông ū hó ki-hoē,
Pò-iông hok-im chin-siaⁿ;
Siúⁿ-sù Sèng-sı̂n ín-chhoā chèng-lâng,
Lâi sı̀n Kiù-chú chun-miâ.
3 Hō͘ i chûn-sim sūn-liông khiam-pi,
M̄-káⁿ chū-choan khı̀ kiâⁿ;
Hō͘ i choè-lâng chı̄n ū tám-le̍k,
Kan-chèng tō-lí bô kiaⁿ.
4 Kiám-chhái tú-tio̍h chhı̀-liān kan-khó͘,
Kiû Lí si-un thâi-iâⁿ,
Ēng toā koân-lêng kò͘ i kàu-bé,
Pēng-bô hoân-ló, kiaⁿ-hiâⁿ.
5 Chiong-sin ê kang nā lóng bêng-pe̍k,
Hō͘ i seng-kàu Thiⁿ-kok,
Éng-oán kap Chú saⁿ-kap choè-tui,
Tit-tio̍h bān-nı̂ toā hok.
