1 Sù-tô͘ siat-lı̍p Chip-sū ê chit,
Tāi-tāi siong-thoân tı̍t-kàu kim-jı̍t;
Kàu-hoē ū koân thang-siat chip-sū,
Lóng-chóng sı̄ tùi Thiⁿ-pē siúⁿ-sù.
2 Kàu-hoē kéng-lâng lâi choè chip-sū,
Eng-kai pek-chhiat kı̂-tó kiû Chú,
Kéng-tio̍h Sèng-sı̂n kám-tōng ê lâng,
Chiū thang chı̄n-tiong choè Chú ê kang.
3 Nā ū bêng-bōng, tı̀-hūi sı̀n-tek,
Kàu-hoē tāi-ke tit-tio̍h lı̄-ek,
Chı̄n-sim toê-iân chiàu-kò͘ hiaⁿ-tı̄,
Thiⁿ-pē sù i thian-tông hok-khı̀.
4 Chip-sū m̄-nā chı̄n-la̍t toê-gûn,
Ia̍h-tio̍h jia̍t-sim kiù lâng lêng-hûn;
Chá Sū-thê-hoán jia̍t-sim thoân-tō,
Hó ê bô͘-iūⁿ ta̍k-lâng tio̍h o̍h.
5 Gâu choè chip-sū thang-tit seng-kip,
Boa̍t-jı̍t thian-tông i oē-tit jı̍p,
Hit-sı̂ chun-kùi khah-iâⁿ sè-chiūⁿ,
Chhin-chhiūⁿ Kiù-chú êng-kng chı̍t-iūⁿ.
