Sim-chêng

 M̄-bián ka-khui 
  M̄-bián chhiat-tn̄g 
  Chéng-thâu-á khin-khin soá ūi, 
  thiⁿ-tē tō hun-lı̂ 
  Bô-koh liân-soàⁿ, bô koh oá-kı̄n 
 Ná chı̍t tiuⁿ jiâu-jiâu ê phoe-sı̀n 
  Jio̍k tiāu sûi koh thián khui 
  Bô oàn-thàn hō͘-chúi ta̍p-tih ê àm-mı̂ 
  Thiⁿ-tē tńg-se̍h kàu chá-chêng 
 Chhiū-nâ chhim-ba̍t 
  Lo̍k-á oa̍t thâu bû-siaⁿ 
  Chio̍h-thâu liâng-léng, chhiū-oe iô tín-tāng 
  Hong sı̀m-jı̍p-khı̀ kng-iáⁿ lāi-té 
  Oân -sêng sim-sū ê tô͘-iūⁿ 
 (Tâi-oân-jı̄ tē 9 kı̂, 2001 nı̂ 9 ge̍h)