Lí khoàⁿ lí khoàⁿ
Bô-pē bô-bó ê thó͘-tē
Ū tiòng-to̍k ê bı̄n-sek
Lí thiaⁿ lí thiaⁿ
Phoà-siòⁿ ê soaⁿ-niá
Ū kúi leh mn̄g-thiⁿ
Ou-o͘ chhàu-chhàu ê khe-chúi
Ū lêng-hûn ê ai-koa
Khó-lêng ū-chı̍t-jı̍t
Chhiⁿ-chhùi ê soaⁿ-niá
Piàn-sêng bûn-jı̄ kı̀-hō ê hoà-chio̍h
Kan-taⁿ tı̄ kó͘-chá ê koa-tiong
Siōⁿ--kı̀ⁿ
Tı̄ hoán-n̂g ê siòng-phı̀ⁿ lāi-bı̄n
Bāng--kı̀ⁿ
Khó-lêng ū chı̍t-jı̍t
Chheng-khı̀ ê khe-chúi
Kan-taⁿ chûn-tı̄
Kó͘-chá kó͘-chá ê si-phiⁿ lāi-té
Liâng-liâng ê soaⁿ-choâⁿ
Tı̄ iâu-oán iâu-oán ê kı̀-tı̂ lāi
Chiah ē thang lim--tio̍h
