Soān tiong-ng

Chit hāng tāi-chı̀ lín khı̀ kā A-tiong kóng, goá mā m̄-kiaⁿ, in-ūi sı̄ ū-iáⁿ ê tāi-chı̀. Hit jı̍t A-tiong sái-chhia kap goá beh khı̀ Ha-ko-ne sé un-choâⁿ. Lō͘-tiong A-tiong beh pàng-chúi, kı̀m boē tiâu. Tō sái khı̀ tò-pêng khò-kı̄n thih-ki-lō͘ piⁿ. Thoa--chhut-lâi tō piàⁿ--lo̍h. Chia̍h-lat--lah! 1-chiah hoé-chhia chài tı̄ⁿ-tı̄ⁿ ê lâng-kheh chhut-hiān. A-tiong kín oāⁿ--koè chiàⁿ-pêng, bô siūⁿ kàu chiàⁿ-pêng tú-hó tú-tio̍h âng-teng. Chhia 1-chiah 1-chiah lóng pâi kúi lia̍t tı̄ hia. Goá tı̄ chhia-lāi ùi thang-á-mn̂g kā hoah: "A-tiong! Soān tiong-ng tō hó--lah !" A-tiong jı̍p-lâi chhia-lāi soah kā kiāu. "Lí kiò goá soān tiong-ng, goá chiah chai-iáⁿ nn̄g-pêng lóng teh khoàⁿ!" Goá kóng: "Lí bē-hiáu hiòng goá chit-pêng soān tō hó. Goá 1-ê lâng him-sióng koh khah chán--leh ! "