e̍k
1. Poâⁿ-soaⁿ koè-niá peh-kiā,
Ka-kı̄ chı̍t ê teh kiâⁿ;
Chú ê Sèng-chhiú hō͘ goá oá-khò,
Sin, sim, an-jiân bô kiaⁿ.
2. Soaⁿ-nâ ê hong teh thàu,
Kheⁿ-té ê chúi teh lâu;
Ná-chún thiⁿ-sài ha̍p-chhiùⁿ siaⁿ-im,
Goá iā o-ló lâi gı̂m.
3. Kiû Chú sù goá sim pe̍h,
Chhin-chhiuⁿ soaⁿ-chiam ê seh;
Iā hō͘ goá sim chheng-chheng chēng-chēng,
Chhin-chhiūⁿ bô hûn thiⁿ chheng.
4. Kham-khia̍t gûi-hiám koh hn̄g,
Beh khı̀ ê lō͘ iáu tn̂g;
Goá só͘ ǹg-bāng ài kàu ê tē,
Siáⁿ-sı̂ oē kàu hit tè.
5. Chóng-sı̄ Chú! Goá ê Chú!
Goá lóng m̄-káⁿ tiû-tû;
Iā m̄-káⁿ kiû, beh kiám chı̍t chām,
Goān kiâⁿ che lō͘ kàu-thàng.
6. Chí kiû, jı̍t nā lo̍h-soaⁿ,
Chím-thâu ēng chio̍h thè-oāⁿ ;
Hō͘ goá tı̄-hia só͘ chò bı̂n-bāng,
Iû-goân su-bō͘ thian pâng.
(Tâi-oân Kàu-hoē Kong-pò, Tē 752 kı̂, 1951 nı̂ 8 goe̍h)
