Tâi-oân Kàu-hōe Kong-pò 780 Hō/Kong-kò/Lâm Tâi Thoân-tō-kio̍k Sió-cho͘-hōe
Lâm Tâi Thoân-tō-kio̍k Sió-cho͘-hōe
[siu-kái](Chit phiⁿ tī goân-chheh tē 7, 8 ia̍h)
Tī 10 goe̍h 29 hō, ū khui Thoân-tō-kio̍k ê Sió-cho͘-hōe-gī.
1. Koan-hē pôe-lêng thoân-tō-tūi ê sū:
1) Chhui-soán pôe-lêng-tūi-oân: Lâu Chín-hong, Tè Êng-soân, Koeh Tong-êng, Khó͘ Chúi-lō͘, N̂g Tong-sek, Gô͘ Gī-hong, Kang Chìn-hoat, Niû Siù-tek, Lâu Hôa-gī, So͘ Thian-bêng, Lí Pang-chān, Au Chìn-an, Chiu Kim-iāu, Iûⁿ Se̍k-lîm, Phêⁿ Chheng-iok, Ông Bí-khêng.
- Siông-pī-oân: Khó͘ Iú-châi, N̂g Bú-tong.
2) Chhui-soán thoân-tō-tūi-oân: Gô͘ Thian-sù, Lū Chhun-tiông, Lōa Jîn-seng, Lōa Péng-tông, Chhî Io̍k-lîn, Chiong Chú-sî Chiā Châi-seng, Lâu Chìn-kî, Lô͘ Sióng, N̂g Tek-hui, Chiu Iàn-choân, Tân Kàng-siông, Ông Óa, Tân Hūi-chhiong, N̂g Sùn-tek, Tân Khêng-kiú.
3) Koan-hē pôe-lêng-tūi ê sū.
(a) Phian-tūi: (1) Lâu Chín-hong, Tè Êng-soân. (2) Khó͘ Chúi-lō͘, Gô͘ Gī-hong. (3) N̂g Tong-sek, Kang Chìn-hoat. (4) Koeh Tong-êng, So͘ Thian-bêng. (5) Niû Siù-tek, Lâu Hôa-gī. (6) Au Chìn-an, Iûⁿ Se̍k-lîm. (7) Lí Pang-chān, Chiu Kim-iāu. (8) Phêⁿ Chheng-iok, Ông Bí-khêng.
(b) Pôe-lêng kî-kan: Pún-nî 11 goe̍h kàu mê-nî 3 goe̍h, kiōng 5 kò goe̍h. Múi goe̍h chi̍t pái, múi pái tùi pái 2 ~ 5, kiōng 4 ji̍t kan.
(c) Pôe-lêng chú-tê: (1) Chū-hōe. (2) Kî-tó. (3) Hōng-hiàn. (4) Choân-ke kui Chú.
(d) Gī tho͘k N̂g Chóng-kàn-sū phian-chip ki̍p hoat-khan pôe-lêng chhiú-chheh. Koan-hē ìn-khan ê sū, thok An Kio̍k-tiúⁿ kap N̂g Chóng-kàn-sū tùi Kong-pò-siā kau-sia̍p.
(e) Pôe-lêng tē-tiám (11-1 goe̍h).
(1) Tiong Tiong: Tek-san, Khe-ô͘, Chheng-chúi, Chhiah-chúi, Bān-heng, Tōa-làm.
(2) Ka Tiong: Pak-êng, Táu-lâm, Gû-taⁿ-oan, Tang-āu-liâu, Thài-chú-keng, Téng-chiu.
(3) Lâm Tiong: Thâu-siā, Kong-á-nâ, Téng-soaⁿ-kha. Teng-san, Môa-tāu, Éng-khong.
(4) Ko Tiong: Ba̍k-sa, Chúi-té-liân. Tiong-nâ, Kiâm-po͘-á. Tiong-lō͘, Ē-ka-tiaⁿ.
Í-siōng it-jīm su-ki tēng kî-ji̍t kap hun-phòe, sòa chiàu-sî siá phoe thong-ti kok Tiong-hōe ê Thoân-tō-pō͘-tiúⁿ kap kok tūi-oân beh khì ê kàu-hōe kap Chóng-kàn-sū chai.
4) Koan-hē thoân-tō-tūi ê sū.
(a) Phian-tūi: (1) Gô͘ Thian-sù, Lōa Jîn-seng. (2) Ông Óa, Lū Chhun-tiông. (3) Lōa Péng-tông, Tân Hūi-chhiong. (4) Chiong Chú-sî, Chhî Io̍k-lîn. (5) Lô͘ Sióng, Lâu Chìn-kî. (6) Chiā Chài-seng, N̂g Sùn-tek. (7) Chiu Iàn-choân, Tân Khêng-kiú. (8) Ńg Tek-hui, Tân Kàng-siông.
(b) Thoân-tō kî-kan: Mê-nî 4-6 goe̍h, 9-10 goe̍h, kiōng 5 kò goe̍h. Múi goe̍h chi̍t pái, múi pái tùi pài 2-5, kiōng 4 ji̍t kan.
(c) Thoân-tō tē-tiám.
Tiong Tiong: Gō͘-chhe, Lō͘-siōng.
Ka Tiong: Mūi-san, Má-kong-chhù, Hái-kháu, Goân-tiong, Tōa-pi.
Lâm Tiong: Chiong-kun, An-tēng, Pak-mn̂g.
Ko Tiong: Pang-liâu, Ē-nâ-á-piⁿ, Kiú-khiok-tông, Ko-chhiū, Tōa-ô͘.
Chit pái ê pôe-lêng, sī chù-tiōng tī jio̍k-siáu ê kàu-hōe, ǹg-bāng in ê sìn-gióng ē tit-tio̍h ho̍k-heng. Thoân-tō sī chù-tiōng tī chiong-lâi beh tī-hia siat kàu-hōe ê só͘-chāi, chiū-sī khai-thok thoân-tō. Tiong Tiong kap Lâm Tiong, Ka Tiong kap Ko Tiong, kok tùi-ōaⁿ pôe-lêng kap thoân-tō.
5) Koan-hē pôe-lêng thoân-tō-tūi ê keng-hùi lâi-goân:
(a) Ǹg-bāng siū pôe-lêng ê kàu-hōe to-siáu ê hōng-hiàn.
(b) Thok An Kio̍k-tiúⁿ kap N̂g Chóng-kàn-sū, tùi Pak-pō͘ ê Lâm-kiâu iú-chì-chiá bō͘-iân.
(c) Kî-û thok kok Tiong-hōe ê Thoân-tō-kio̍k-oân tùi kok Tiong-hōe ê iú-chì-chiá bō͘-iân.
2. Koan-hē Bó-hōe beh pang-chān sin siat jio̍k-siáu kàu-hōe ê pó͘-chō͘ kim hun-phòe ê sū:--
Pún-nî-tō͘ (1953 nî 10-- 1954 nî 9 goe̍h), ū tit-tio̍h Châi-bū-kio̍k chiong Bó-hōe ê pó͘-chō͘-kim tiong, poah kau pún-kio̍k 100 Eng-pōng, beh chò pang-chān sin siat jio̍k-siáu kàu-hōe ê sin-kim. Ko Tiong te̍k-pia̍t tông-chêng 3 Tiong-hōe ê khùn-lân, hoaⁿ-hí jiōng-tō͘. Kî-û 3 Tiong-hōe kiōng ū 7 keng ê sin siat jio̍k-siáu kàu-hōe, chiū-sī Pak-soaⁿ-kheⁿ, Bān-heng, Nâ-lāi, Thài-chú-keng, Téng-chiu, Lâm-hòa, Liông-tiân. Múi-keng choân-nî-hūn 1000 kho͘, chò 4 kî niá.
Pôe-lêng-tūi.
Kok-ūi só͘ kèng-thiàⁿ ê tâng-kang kap hiaⁿ-ché pêng-an. Ūi-tio̍h piān-gî-siōng, chiong 11 goe̍h, 12 goe̍h ê pôe-lêng-tūi, kok seng phài chi̍t tūi. Tūi-oân, kàu-hōe, kî-ji̍t, chiàu ē-bīn só͘ kì:
| Goe̍h | Ji̍t | Tūi-oân | Kàu-hōe |
|---|---|---|---|
| 11 | 24-27 | 郭東榮, 蘇天明 | Thâu-siā. |
| 11 | 24-27 | 黃東識, 江進發 | Ba̍k-sa. |
| 11 | 24-27 | 李幫助, 周金耀 | Gû-taⁿ-oan. |
| 11 | 24-27 | 彭清約, 王美瓊 | Chheng-chúi. |
| Goe̍h | Ji̍t | Tūi-oân | Kàu-hōe |
|---|---|---|---|
| 12 | 14-17 | 劉振芳, 戴榮旋 | Mâu-tāu. |
| 12 | 14-17 | 許水露, 吳義方 | Tiong-lō͘. |
| 12 | 14-17 | 梁秀德, 劉華義 | Khe-ô͘. |
| 12 | 14-17 | 歐進安, 楊石林 | Tang-āu-liâu. |
Ká-sú tūi-oân á-sī kàu-hōe, ūi-tio̍h beh piàn-keng kî-ji̍t ê sî, jî-pí thang siong-liông; chīn-liōng chiàu chí-tēng ê kî-ji̍t lâi chìn-hêng. Goān chiok-hok, tāi-ke kiān-khong.
Lâm Tāi Thoân-tō-kio̍k.
Kio̍k-tiúⁿ: An Bō͘-lí.
Su-kì: Khó͘ Chúi-lō͘.
KONG-PÒ-SIĀ SIAU-SIT
[siu-kái]1. Chú-ji̍t Sîn-liông.
[siu-kái]1954 nî tō͘ ê, í-keng ìn hó, múi-pún chi̍t kho͘ gîn, sàng-hùi nn̄g kak. Nā bé 20 pún í-siōng, 5 hun koah; 50 pún í-siōng, chi̍t koah; 100 pún í-siōng, nn̄g koah-ín. Koh nā bé 20 pún í-siōng--ê, lóng m̄-bián sàng-liān. Chhiáⁿ tāi-ke liōng-chá lâi bé.
2. Kàu-hōe Kong-pò.
[siu-kái]Tùi mê-nî chiaⁿ goe̍h khí, lán ê Kong-pò beh ke 4 bīn, án-ni kiōng 28 bīn. Pòhùi1 téng pòaⁿ-nî (1-6 goe̍h), múi-hūn sī 12 kho͘; nā tī 12 goe̍h 20 ji̍t í-chêng lâi la̍p chiân-kim--ê, beh sǹg i 10 kho͘-gîn, án-ni ke bīn-sò͘ koh lo̍h-kè, só͘-í chhiáⁿ tāi-ke kó͘-bú khah chē lâng lâi bé; nā ē-tàng ìn ná chē, pò-hùi ē ná sio̍k. Nā kó͘-bú 20 hūn í-siōng, koh beh sàng chi̍t hūn.
3. Chú-ji̍t-o̍h Kàu-hōe
[siu-kái]Mê-nî 1-6 goe̍h, nn̄g-kùi ê khò-pún sī chiàu-kū 8 kho͘; chóng-sī nā tī 12 goe̍h 20 ji̍t í-chêng lâi la̍p--ê, beh sǹg 6 kho͘ (Kong-pò, Khò-pún nā ū beh ke-kiám, chhiáⁿ tio̍h liōng-chá thong-ti).
4. Sió pêng-iú koa-chi̍p.
[siu-kái]Tī 11 goe̍h hō ū kài-siāu chit pún Pe̍h Ko͘-niû hoan-e̍k ê sin koa-chi̍p í-keng hó. Múi-pún 4 kho͘, sàng-hùi chi̍t pún kàu 4 pún sī 7 kak. Nā bé 10 pún, beh sàng chi̍t pún.
5. 1954 nî ê Calendar.
[siu-kái]Ka-ná-tāi ū ìn súi-súi sêng-ōe ê la̍h-ji̍t-tô͘ í-keng ū kàu, chi̍t ê sī 8 kho͘, sàng-hùi nn̄g kak. Nā bé chi̍t pau 25 ê, beh sǹg múi ê 7 kho͘ pòaⁿ; bé khah chē, ia̍h sī 7 kho͘ pòaⁿ: bé khah chē ê, sàng-hùi m̄-bián.