Siōng-tè chiok-hok ū hok-khı̀
Beh ngiâ-chih saⁿ-cha̍p chiu-nı̂
Kàu-hoē hoat-tián chin nı̂-khin
Bo̍k-su tiúⁿ-ló chin thoân-kiat
chı̍p-sū choè āu lâi pang-chān
Oá-khò Siōng-tè chiah ū-la̍t
Ūi Chú hoat-kng chin phah-piàⁿ
Kim-lêng kàu-hoē hó miâ-siaⁿ
Lô-Bo̍k-su chin gâu káng-tō
Chiàu-kò͘ kàu-hoē chin-chiàⁿ hó
Hun-phài thoân-khè chin-chiàⁿ chē
Ha̍p-chhiùⁿ-thoân chin chéng-chê
Kim-lêng kàu-hoē kim teng-tâi
Chú sı̍p-jı̄-kè chiò lo̍h-lâi
Chiò tı̄ o͘-àm ê só͘-chāi
Sèng-tiān lāi-bı̄n kng-iàⁿ-iàⁿ
Tit Chú kám-tōng jı̍p-lâi thiaⁿ
Thiaⁿ Chú hok-im ū hok-khı̀
Hoaⁿ-hí sûi-sı̂ lâi chiap-siū
Kám-siā Siōng-tè lâi ín-chhoā
Lō͘-bé hok-khı̀ chin-chiàⁿ toā
