Pe̍h tāi-lí-chio̍h ê bōng,
Tı̄ tang-thiⁿ ê jı̍t-tiong kim-ku̍t hoat-kng,
Sı̍p-jı̍t-kè piⁿ chhah-moá chhiⁿ-hoe,
Lí ê kiáⁿ-jı̂,
Í-keng oân-sêng lí ê sin-chhù,
Goá khin-khin bong lí ê bōng-pâi,
Chhin-chhiūⁿ lí chāi-siⁿ,
Goá bong lí ê chhùi-phé chı̍t iūⁿ.
Chhin-ài ê a-bó,
Taⁿ goá beh tńg lâi khı̀,
Tùi thô͘ lâi ê kui tı̄ thô͘,
Tùi thiⁿ lâi ê tńg-khı̀ thiⁿ-téng.
Goá siong-sı̀n,
Lí tı̄ lí ê sin-chhù,
Pêng-an bô pí,
Chhiáⁿ lí an-hioh. Chhiáⁿ lí an-hioh！
(Lú-soan Goe̍h-khan Tē 111-113 kı̂, 1969 nı̂ 3-5 goe̍h)
