TGL chiū-sı̄ Tâi-gí lâng, sı̄ ē-hiáu kóng Tâi-gí ê lâng.
TBL sı̄ Tâi-bûn lâng, sı̄ ē-hiáu siá Tâi-bûn ê lâng.
Chit 2 chióng lâng ū sím-mı̍h bô kāng?
Ē-hiáu kóng bē-hiáu siá, sı̄ goân-sú lâng, Eng-gí sı̄ prehistoric.
Goân-sú lâng ē-hiáu kóng ê tāi-chı̀ bô kàu gia̍h thang tı̄ hiān-tāi iōng.
Kóng liáu m̄ tio̍h, ka-kı̄ mā m̄-chai.
Án-ne su-khó pó-niá bē cheng-bı̍t!
Nā bô cheng-bı̍t ê su-khó lêng le̍k,
Chò sū-gia̍p beh sêng-kong, nā m̄-sı̄ bô khó-lêng chiū-sı̄ chin oh.
Ē-hiáu kóng koh ē-hiáu siá, mā bô tek-khak chiū ē cheng-bı̍t.
Chóng-sı̄ ū hāⁿ-chhut thâu chı̍t-pō͘.
Nā koh piàⁿ-sı̀ siá, jı̄n-chin tha̍k, lí tio̍h jú lâi jú cheng-bı̍t.
Cheng-bı̍t sı̄ hiān-tāi lâng ê ki-pún siu-ióng;
Cheng-bı̍t sı̄ TGL ê lí-sióng;
Cheng-bı̍t sı̄ TBL ê bo̍k-phiau.
Mā-sı̄ Tâi-oân lâng siōng chán ê bú-khı̀ kap siōng chho͘ ê pún-chı̂ⁿ.
Hi-bāng lán kap lán ê kiáⁿ-sun lóng-sı̄ TGL, mā sı̄ TBL.
Koh khah iàu-kín..ê sı̄ cheng-bı̍t ê Tâi-oân lâng!
(Tâi-oân-jı̄ cha̍p-chı̀ tē 7 kı̂, 2001 nı̂ 5 ge̍h)
