Gín-ná Oá-khò Chú
Ū chı̍t ê sı̀n Chú ê gín-ná kóng, Goá siông-siông tha̍k Sèng-keng hō͘ goá ê án-má thiaⁿ, i sı̄ chı̍t ê kèng-khiân ê thài-thài, siông-siông kà-sı̄ goá oá- khò Chú. Goá ê pē-bú cha̍p-hun sòng-hiong, ū jı̍t chia̍h chá-khí pn̄g chiū bô ê-hng, siông-siông tú- tio̍h chit hō ê khùn-lân. Ū chı̍t jı̍t liân chá-khí tǹg iā bô.
Lāu-bú kā goá ê sió-tı̄ sió-bē saⁿ chhēng hó, kiò goá chhoā in khı̀ hái-piⁿ thit-thô, chiah tò- lâi pang-chān ke-sū.
Thit-thô ê sı̂, khoàⁿ hái-chiáu pe háu, i ê im koâiⁿ-kē, chiū siūⁿ kàu Sèng-keng ū kóng, 'Lí khoàⁿ thiⁿ-téng ê pe-chiáu, Thiⁿ Pē siōng-chhiáⁿ iúⁿ- chhı̄ i, lín kiám bô pí chhek-chiáu-á khah kùi-khı̀ mah?' Goá siūⁿ Thiⁿ Pē bô hō͘ chhek-chiáu- á gō-sí, iā tek-khak bô hō͘ goá gō-sí. Goá kap sió- tı̄ sió-bē chiū kūi tı̄ soa-thoaⁿ kı̂-tó, kiû Thiⁿ Pē siúⁿ-sù goán chia̍h mı̍h. Kı̂-tó soah, koh khı̀ khioh chio̍h-thâu, lâi khı̀ soè keng chhù.
Iah soa ê sı̂, hut-jiân khoàⁿ-kı̀ⁿ soa-ē ū chı̍t hāng kng ê mı̍h; khoàⁿ siông-sè, to͘ sı̄ chı̍t kho͘ gûn, hoaⁿ-hí kàu-ke̍k, chiū cháu tò-khı̀ the̍h hō͘ lāu-bú.
Lāu-bú the̍h chhut khı̀ oāⁿ, boé hó ê chhài pn̄g, thong ke lóng chia̍h kàu pá-pá. Soè-soè-hàn ê gín-ná oē hiáu oá-khò Chú, m̄-ta̍t nā thang choè gín-ná ê bô͘-iūⁿ, liân lán toā lâng, iā eng-kai tio̍h o̍h i.
Thiaⁿ-kı̀ⁿ kóng, hit ê gín-ná kàu toā lâng ê sı̂, choè choē-choē nı̂ ê bo̍k-su, kiù liáu joā choē lâng ê lêng-hûn.
Chiu Hó͘-hok O̍h Chúi-siú
Chêng kúi-nā cha̍p nı̂ ū chı̍t ê Gûi-lek-su ê gín- ná, miâ kiò Chiu Hó͘-hok. Teh tha̍k-chheh ê sı̂, hut-jiân siūⁿ ài o̍h chúi-siú. I ê lāu-bú sı̄ chiú-koáⁿ lâng, chin thiàⁿ i, ta̍k pái i nā beh choè sím-mı̍h, lóng bô chó͘-tòng i. Chı̍t ē thiaⁿ-kı̀ⁿ i beh o̍h chúi- siú, chiū ún i, chóng--sı̄ tio̍h kàu toā-hàn chiah beh sàng i khı̀ chûn-nih. Sui-jiân ún, i ê lāu-bú lóng bô chàn-sêng, put-kò sı̄ beh hō͘ i hoaⁿ-hí nā-tiāⁿ, só͘-í put-tek-put tio̍h án-ni ún i.
Ta̍k ē-po͘ Hó͘-hok tùi o̍h-tn̂g tò-lâi, chia̍h ê-hng pá liáu, lāu-bú tiám-teng teh choè saⁿ, chiū soà chhoā i tha̍k kúi chat ê Sèng-keng, kı̂-tó chiū khı̀ khùn. Iā siông-siông kā Hó͘-hok kóng, "Lí ê pē í- keng lı̄-khui sè-kan, kà-sı̄ lí ê chí-ū goá nā-tiāⁿ, lí pêng-seng bô lūn tı̄ siáⁿ só͘-chāi, choè siáⁿ tāi-chı̀, goá khǹg lí m̄-thang boē kı̀-tit Thiⁿ Pē." Chit ê oē sı̂-siông hoat-chhut.
Hó͘-hok lı̄-khui o̍h-tn̂g beh chiūⁿ chûn ê chêng chı̍t mı̂, i ê lāu-bú chiong Pó-lô kè hái tú-tio̍h gûi- hiám ê kò͘-sū, tha̍k hō͘ i thiaⁿ. Tha̍k kàu in lóng tit kiù chiūⁿ I oāⁿ hit kù, ba̍k-sái liâm-piⁿ lâu lo̍h, choán ǹg Hó͘-hok kóng, Goá ê kiáⁿ, Siōng-tè tùi khí-thâu kap Pó-lô saⁿ-kap tı̄-teh, só͘-í in chiah oē tit-tio̍h kiù. Pó-lô bêng-bêng kóng, 'Chā-mı̂ ū goá só͘ ho̍k-sāi ê Siōng-tè chit ê sù-chiá khiā tı̄ goá sin-piⁿ,' tio̍h chù-ı̀ chit kù oē, tio̍h kı̀-tit, m̄-thang boē kı̀-tit.
Tùi án-ni lāu-bú kūi-lo̍h khı̀ kı̂-tó kóng, "Kiû Chú kap goá ê kiáⁿ saⁿ-kap tı̄-teh, chhin-chhiūⁿ chá-jı̍t kap Pó-lô tı̄-teh chı̍t iūⁿ, nā tú-tio̍h hong éng, koh tio̍h kap i tı̄-teh."
Hó͘-hok m̄ chai choè chúi-siú ê kan-khó͘, kàu chûn-lāi kúi jı̍t, hı̂n chûn chin tāng, to̍k-to̍k iû- goân tio̍h choè kang, boē hioh khùn, sui-jiân ó͘- thò͘, iā tek-khak tio̍h boah chûn-pán, bín chûn- ûi. Koh tâng choè kang ê lâng, put sı̂ mē i, lêng- jio̍k i. Hit sı̂ i chiū hoán-hoé, m̄ kú phah m̄-tio̍h sǹg lah. Koh siūⁿ tı̄ ke-lāi kap lāu-bú saⁿ-kap tı̄- teh ê khoài-lo̍k, boē kı̀m-tit bô siàu-liām i ê ke.
Ū chı̍t ê tang-thiⁿ, tú-tio̍h toā hong, chûn kàu beh tı̂m--lo̍h-khı̀, koh thiⁿ chin léng, lâng boē tí- tng hit ê koâⁿ. Chûn-bı̄n hoān-nā bô ēng soh pa̍k ê mı̍h, lóng-chóng péng--lo̍h-khı̀. Hó͘-hok tı̄ chûn- bı̄n teh choè kang, chha-put-to tàng kàu beh sí. Ba̍k-sái sûi-lo̍h tı̄ chhùi-phoé, liâm-piⁿ kiat-chiâⁿ soè tè peng, chit hō ê chhám-kéng, koh khah hō͘ i siūⁿ tio̍h lāu-bú ê chû-ài.
Bô kú chûn-chú iā sit-la̍t, boē oē hoāⁿ toā, chûn chiū chhut-chāi hong siak lâi siak khı̀, hiám-hiám kha̍p-tio̍h chio̍h.
Hó͘-hok tng hit sı̂ siūⁿ kóng, "Goá kap Pó-lô só͘ tú-tio̍h ê gûi-hiám saⁿ chhin-chhiūⁿ." Koh kı̀-tit Pó-lô in-ūi Siōng-tè kap i tı̄-teh, tit-tio̍h bián sí.
Téng nı̂ chı̍t ê-hng, i ê lāu-bú só͘ kóng--ê, ta̍k kù tı̄ i ê hı̄ⁿ-khang. Siūⁿ liáu, chiū jı̍p pâng kūi tı̄ bı̂n- chhn̂g-piⁿ kı̂-tó kóng, "Chû-pi ê Pē, goá ê lāu-bú ê Siōng-tè, kiû Lí kap goá tı̄-teh, hō͘ goá tit-tio̍h kiù." Chiah hian khui Sèng-keng soè-jı̄ tha̍k Pó- lô tú-tio̍h gûi-hiám ê sū, ke-thiⁿ i ê táⁿ. I chiū toà Sèng-keng chhut-khı̀ goā-bı̄n, khak-sı̍t sı̀n Siōng- tè kap i tı̄-teh, iā sı̀n i tek-khak oē tit-tio̍h chiūⁿ hoāⁿ. Bô kúi jı̍t, hong lóng chı̄ⁿ, chûn kó-jiân kàu hái-kháu.
Khoàⁿ ê lâng ah, Pó-lô ê Siōng-tè iā sı̄ lí ê Siōng- tè mah? Siōng-tè kap lí tı̄-teh, iā chhin-chhiūⁿ kap Pó-lô tı̄-teh chı̍t iūⁿ, nā bô án-ni, chhiáⁿ lí kūi-lo̍h khı̀ o̍h Hó͘-hok kı̂-tó kóng, "Chû-ài ê Thiⁿ Pē, kiû Lí kap goá saⁿ-kap tı̄-teh, pı̀-iū goá pêng-an tit- tio̍h kiù."
Kı̀-jiân oa̍h tı̄ sè-kan, chiū-sı̄ chhin-chhiūⁿ kè hái chit iūⁿ. Ín-iú chhı̀-thàm lóng sı̄ chhoā lí kàu bia̍t-bô ê lō͘. Nā bô Chin Sı̀n kap lí tı̄-teh, cháiⁿ-iūⁿ oē kàu Thian-tông?
Phê Má-khó kap Lāu-pē
Phê Má-khó Bo̍k-su kóng, Goá soè-hàn ê sı̂ khı̀ tha̍k-chheh, tùi ke-lāi kàu o̍h-tn̂g, keng-kè chı̍t ê thióng-toē ē-po͘ sı̂ ka-kı̄ tùi hia kiâⁿ, siông-siông chai chin kiaⁿ. Chı̍t-pái m̄ nā thiⁿ o͘, koh lo̍h toā hō͘, lûi tân sih-nà sih, kiâⁿ chı̍t pō͘ chiū chı̍t siaⁿ hō͘ goá kiaⁿ kàu m̄-chai beh cháiⁿ-iūⁿ, sih-nà ê kng-iáⁿ lâi, chhin-chhiūⁿ khoàⁿ-kı̀ⁿ chı̍t lâng, lûi tân ê siaⁿ tiong, hóng-hut thiaⁿ-kı̀ⁿ chı̍t ê siaⁿ kóng, 'Hit ê kiám m̄-sı̄ Má-koh2 mah?' Goá chhùi-tûn chùn ê siaⁿ kóng, 'Pē-ah sı̄ goá,' Pē liâm-piⁿ khan goá ê chhiú jı̍p i ê hō͘-soàⁿ lāi. Pē kiáⁿ kóng chhiò, it-tı̍t kàu ke-lāi.
Phê Má-khó Sian-siⁿ kóng, "Goá khoàⁿ-kı̀ⁿ pē liáu-āu, lûi hō͘ iû-goân chhin-chhiūⁿ tāi-seng, to̍k- to̍k goá chhin-chhiūⁿ bô khoàⁿ-kı̀ⁿ, iā bô thiaⁿ-kı̀ⁿ. Tng hoān-lān pek-kūn ê sı̂, chhian-bān m̄-thang sit-táⁿ, Thiⁿ Pē thiàⁿ lán, í-keng kàu-ke̍k, tek-khak tı̄ lán loán-jio̍k chhin-chhiūⁿ chúi, bô chū-chāi ê sı̂, lâi kiù lán, an-ùi lán. Lí goá ū chit ūi chû-pi ê Pē, jı̍t-jı̍t teh chhoā lán, lán beh kiaⁿ sím-mı̍h?"
Tiuⁿ Su-niû toà Gín-ná choè Lé-pài
Tiuⁿ Su-niû heng-chêng phō gín-ná koh chhoā sı̀ hè ê gín-ná, miâ kiò Tek-khèng, khı̀ choè lé-pài. Nn̄g ê gín-ná lóng bô an-chēng, m̄-ta̍t-nā Tiuⁿ Su- niû kap pa̍t-lâng boē-oē thiaⁿ tō-lí, liân kóng tō-lí ê bo̍k-su iā bô hoaⁿ-hí. Tiuⁿ Su-niû bô tah-tit-oâ, ēng pêng-siông ê hoat, kiò Tek-khèng chia̍h lo̍k-hoa- seng, iā ēng bō-á ê hâm-lêng hō͘ hit ê soè-hàn--ê thit-thô. Nn̄g ê gín-ná sui-jiân bô chhá, nā-sı̄ hâm- lêng ê siaⁿ, koh lo̍k-hoa-seng khak ê siaⁿ iû-goân chiàu kū kiáu-chhá chèng lâng.
Lé-pài soah, bo̍k-su tùi Tiuⁿ Su-niû kóng, Goá ū kúi kù oē beh lâi saⁿ khó͘-khǹg, chhiáⁿ lí m̄-thang toà lo̍k-hoa-seng, lâi lé-pài-tn̂g. Hō͘ gín-ná tı̄ lí ê ke chia̍h pá; lâi ê sı̂ chū-jiân boē iau. Tı̄ ke-lāi tio̍h tùi i kóng bêng, lâi lé-pài-tn̂g tio̍h siú kui-kú an-chēng, tò-lâi ke-nı̍h, tek-khak beh hō͘ lí lo̍k- hoa-seng. Nā eng-kai tio̍h toà chia̍h mı̍h, tio̍h toà pō͘-tio̍h bô siaⁿ ê tiám-sim; koh chhian-bān m̄- thang hō͘ gín-ná thit-thô hâm-lêng, long-long háu oē kiáu-chhá chèng-lâng. Lí nā oē án-ni, tı̄ kóng tō-lí ê lâng ū tit-tio̍h pang-chān, iā lı̍p bô͘-iūⁿ hō͘ choē-choē lâng khoàⁿ.
Tiuⁿ Su-niû siū kám-kek, chiū to-siā bo̍k-su kóng, Goá tiāⁿ-tio̍h beh chiàu án-ni kiâⁿ. Tē-jı̄ lé- pài kā gín-ná táⁿ-pān hó-sè, chiū tùi Tek-khèng kóng, "Lí nā kàu lé-pài-tn̂g, tio̍h tiāⁿ-tiāⁿ chēng- chēng chē, bô chhá-lā, bô ài khùn, tò-lâi tek-khak beh hō͘ lí chia̍h lo̍k-hoa-seng." Tek-khèng kóng, "Goá m̄ thèng-hāu hit sı̂, chit-tia̍p goá chiū beh tē jı̍p goá ê pò͘-tē-á lāi." Tiuⁿ Su-niû kóng, "It-tēng m̄ chún, goá beh chit lui hō͘ lí, lí tio̍h hē tı̄ tē-á lāi, chip-sū toê chı̂ⁿ ê sı̂, lí tio̍h hē tı̄ chı̂ⁿ-poâⁿ. Lí nā bô pá, tāi-seng thang chia̍h tām-po̍h mı̍h, chia̍h liáu chiah lâi khı̀." Tek-khèng khí-thâu lóng sı̄ ēng bián-kióng, kàu kú chiū chū-jiân, che sı̄ toà gín-ná choè lé-pài tı̄-it hó ê hoat-tō͘. Gín-ná an-chēng siú kui-kú, toā lâng thang tit-tio̍h liû sim thiaⁿ tō-lí. lóng chóng ê lú kàu-iú siáⁿ-sū m̄ chhı̀ khoàⁿ leh?
Sí Kı̂ Oh Tiāⁿ-tio̍h
Chêng tı̄ Hoat-kok ū chı̍t ê siàu-liân lâng, kàu lé-pài-tn̂g thiaⁿ tō-lí. Lé-pài soah, bo̍k-su tùi i kóng, "Hiaⁿ-tı̄ ah, tio̍h thàn chá sı̀n tō-lí, lâi tè Kiù- chú; sí-kı̂ í-keng lâi lah, tı̄ hit sı̂ beh sı̀n chiū siuⁿ- oàⁿ lah." Siàu-liân lâng kóng, "Bô iàu-kín, goá lı̄ sí kı̂ iáu hn̄g, thèng-hāu lāu chiah sı̀n iáu-bē tı̂," Bo̍k- su kóng, "Lâng ê sí-kı̂ boē oē tāi-seng tiāⁿ-tio̍h, thàn iáu ū kin-á-jı̍t, chiū tio̍h kín sı̀n." Siàu-liân lâng kóng, "Goá hiān-chāi sin-thé iáu ióng-kiāⁿ bô chai-ē, iā bô phoà-pı̄ⁿ, cháiⁿ-iūⁿ m̄ káⁿ tāi-seng tiāⁿ- tio̍h, chı̍t jı̍t nn̄g jı̍t boē oē sí mah? Nā kó-jiân án- ni, goá chiū sı̀n Iâ-so͘." Kóng liáu kap bo̍k-su saⁿ- sı̂ chiū khı̀.
Tē jı̄ jı̍t tı̄ ke-lāi, siu khioh phang-siū, boē kı̀-tit tı̀ thih-si-bō, hut-jiân ū chı̍t chiah phang, pe jı̍p chhùi lāi, tı̄ nâ-âu ê só͘-chāi kā sı̀, gō͘ ē; nâ-âu lêng- á chéng--khí-lâi, khùi chhoán boē tı̍t, bô kàu chı̍t jı̍t chiū lı̄-khui sè-kan.
Che sui-jiân sı̄ chı̍t kiāⁿ kı̂-khá sū, chı̄-chūi káⁿ kóng m̄-sı̄ Sı̂n ê kéng-kài, siū khó͘-khǹg sı̀n Iâ-so͘ ê siàu-liân lâng, chhian-bān m̄-thang kóng sı̂-kı̂ thài hn̄g, kò͘-ı̀ lâi iân-chhiân, in-ūi hiān-kim chiah sı̄ siū chiap-la̍p ê jı̍t, hiān-kim chiah sı̄ tit-tio̍h kiù ê sı̂.
Pe̍k-le̍k m̄ jı̄n Lāu-bú
Eng-kok ū chı̍t ê siâⁿ hō͘ hé sio, lāu-lâng gín-ná lóng kiaⁿ beh tô-miā. Tı̄ bān-lâng ê tiong-kan, hut-jiân hoat-chhut chı̍t ê ke̍k chiam-lāi chân sim ê khàu siaⁿ kóng, "Goá ê cha-bó͘-kiáⁿ iáu tı̄ saⁿ- chàn-lâu bé téng, chhiáⁿ jı̂n-ài ê lâng thoè goá kiù i."
Hé-iām ná ōng, chı̄-chūi káⁿ ı̀n leh? Hit ê hū-jı̂n lâng thiàⁿ cha-bó͘-kiáⁿ ê sim kè-thâu chhiat, put- tek-í, ēng tâm-saⁿ pau thâu-khak, tùi hé-tiong chiūⁿ khı̀, lâi kiù i ê cha-bó͘-kiáⁿ. Thâu-khak ūi i chhàu-ta, thâu-hia̍h ūi i noā, kai-chài gâu chiàu- kò͘, bô kàu sit-lo̍h sı̀ⁿ-miā, to̍k-to̍k bı̄n í-keng khiap-sı̀ lah.
Tit-tio̍h kiù ê cha-bó͘ gín-ná āu-lâi jı̍p o̍h. Pàng o̍h ê sı̂ lāu-bú khı̀ chham-koan ê sı̂, cha-bó͘-kiáⁿ ēng ka-chiah ǹg lāu-bú, m̄ ài jı̄n i. Tâng o̍h--ê kóng, "Pe̍k-le̍k, hit ê kiám m̄-sı̄ lí ê lāu-bú mah?" Cha- bó͘-kiáⁿ kóng, "M̄-sı̄, goá m̄-bat i." Kóng liáu i ê chhùi-phoé chiū âng, thâu-khak àⁿ-àⁿ khoàⁿ thô͘- kha. Lāu-bú kóng, "Pe̍k-le̍k, siáⁿ-sū hiâm goá khiap-sı̀? Goá cháiⁿ-iūⁿ chiah án-ni? Sı̄ in-ūi beh kiù lí, chiah kin-á-jı̍t ū chit khoán." Pe̍k-le̍k m̄ thiaⁿ, cháu jı̍p khùn-pâng. I ê lāu-bú bô tè i jı̍p-khı̀, sim sng liâm-piⁿ chiū tò-khı̀.
Hiaⁿ-tı̄ chí-bē ah! Chú Iâ-so͘ ūi-tio̍h lí goá siū ke̍k toā ê kan-khó͘, lán iā beh bô jı̄n I mah? Tı̄ m̄ sı̀n ê lâng ê bı̄n-chêng sêng-jı̄n I lia̍h choè kiàn- siàu mah? M̄-thang boē kı̀-tit Iâ-so͘ chhin sin kóng, "Hoān-nā tı̄ lâng ê bı̄n-chêng m̄ jı̄n Goá, Goá tı̄ Pē kap chèng thiⁿ-sài ê bı̄n-chêng, iā tek-khak m̄ jı̄n i. Hoān-nā tı̄ lâng ê bı̄n-chêng jı̄n Goá, Goá iā beh tı̄ Pē kap chèng thiⁿ-sài ê bı̄n-chêng, iā tek- khak beh jı̄n i." Lán m̄ jı̄n Chú, tı̄ Chú bô siong- hāi. Chú m̄ jı̄n lán, tı̄ lán toā sún-hāi. Hiaⁿ-tı̄ chí- bē tio̍h ta̍k ê tı̀-i siūⁿ.
Chı̄-chūi ê Kiáⁿ
Chéng ū chı̍t chiah hé-chûn kè Toā-sai-iûⁿ. Ū chı̍t jı̍t chûn téng hut-jiân hoat-chhut chı̍t ê kiaⁿ- hiâⁿ ê siaⁿ kóng, "Gín-ná poa̍h-lo̍h hái." Chèng chúi-siú liâm-piⁿ pàng sam-pán, khı̀ lo̍h hái iô-ló͘ chiong gín-ná kiù--khí-lâi. I-seng hùi choē choē kang, gín-ná chiah oē oa̍h, oē chai lâng.
Tng teh pha gín-ná ê sı̂, ū chı̍t ê sian-siⁿ tı̄ chûn téng teh khoàⁿ kong-kéng. Gín-ná tú-á kiù kàu sam-pán lāi, hit ê sian-siⁿ koh tò-tńg khı̀ chûn ê kheh-thiaⁿ khoàⁿ chheh. Hut-jiân i ê hū-jı̂n-lâng toā khàu koh toà hoah-hiàm cháu lâi tah i kóng, "Chhám lah, lán ê gín-ná teh-beh sí lah, lí iáu pêng-an teh khoàⁿ chheh mah?" Sian-siⁿ mn̄g kóng, "Gín-ná hoān-tio̍h sím-mı̍h pı̄ⁿ?" Hū-jı̂n-lâng kóng, "Tú-á tùi hái pha--khí-lâi." Sian-siⁿ chiong chheh hiat--khı̀, chiū thǹg i ê goā saⁿ, koáⁿ-kín cháu chiū kóng, "Goá phah-sǹg i tı̄ pâng-lāi teh khùn." Koáⁿ kín-kín chiū cháu--khı̀, khoàⁿ-kı̀ⁿ gín-ná í-keng oa̍h. I-seng kóng, "Lí tú-chiah tah-lo̍h khı̀?" I liâm-piⁿ lâu ba̍k-sái, iā khàu, iā kı̂-tó, iū koh kā i-seng tàu pang-chān.
Khoàⁿ ê lâng ah, hit ê sian-siⁿ cháiⁿ-iūⁿ khí-thâu bô tāi-chı̀, iā āu--lâi tōng sim? Bô pa̍t hāng sı̄ kut- jio̍k ê chêng hō͘ i án-ni.
Chit ê tāi-chı̀ í-āu, hit ê sian-siⁿ ta̍k pái thiaⁿ-kı̀ⁿ gín-ná siū hāi, bô m̄ liâm-piⁿ khı̀ kiù--i. Pêng-iú chhin-lâng ê jio̍k-thè, chin-chiàⁿ tio̍h liû-sim; koh- khah tio̍h liû-sim --ê, chiū-sı̄ in jio̍k-thé tiong, chı̍t tiâu tē-it pó-kùi ê lêng-hûn.
Jı̍t-pún Soè-hàn Cha-bó͘ Gín-ná The̍h Phoe
Bó͘ ê Jı̍t-pún kèng-chhat, ū nn̄g ê cha-bó͘-kiáⁿ, hui-siông ê bô táⁿ. Chı̍t ê-hng kèng-chhat ê chhiàⁿ kang bô tı̄-teh, ū chı̍t tiuⁿ iàu-kín ê phoe, beh the̍h kàu nn̄g lí goā lō͘ ê hn̄g. Bó͘ --sian-siⁿ ê ke, ū kong- sū tio̍h pān, só͘-í boē oē chhin-sin khı̀. I hit sı̂ chin kan khó͘, m̄ chai beh chhe chı̄-chūi the̍h. Hut-jiân i nn̄g ê cha-bó͘-gín-ná kóng, "Á-tia, hō͘ goán the̍h khı̀." I ê pē phah-sǹg chioh chit ê, lâi hō͘ i khah hó táⁿ, iā sı̄ hó, só͘-í chún i khı̀.
Nn̄g ê gín-ná chhiú khan chhiú chiū khı̀, bô kú chiū pêng-an tò-lâi. I ê lāu-pē put-chí kı̂-koài, mn̄g kóng, "Lín bô kiaⁿ mah?" Ìn kóng, "Bô, goán tı̄ kàu-hoē ê o̍h-tn̂g, thiaⁿ-kı̀ⁿ sian-siⁿ kóng, Thiⁿ Pē tek-khak khoàⁿ-kò͘ goán. Goán bē-khı̀--ê tāi-seng chiūⁿ lâu-téng, kiû I pó-hō͘, bô hō͘ pháiⁿ-lâng lâi hāi goán, chı̍t bı̄n sı̀n I, chı̍t bı̄n chiū hó-táⁿ khı̀; só͘-í chı̍t lō͘ lóng bô kiaⁿ."
Hit ê kéng-chhat thiaⁿ-kı̀ⁿ Iâ-so͘ ê tō-lí, chhin- chhiūⁿ án-ni ê ū kong-hāu, í-āu chiâⁿ choè jia̍t- sim ê Ki-tok-tô͘.
Thài-chú ê Chin-sı̍t
Chı̍t jı̍t Tek-kok ê thài-chú o̍h pàng-kè tò-lâi, kap lāu-pē teh tâm-lūn. I ê lāu-pē ài chai i tha̍k- chheh ū chı̀n-pō͘ á bô, chiū the̍h Hoat-kok ê bûn, chí chhut chı̍t toāⁿ, bēng lēng i tha̍k. Thài-chú tı̍t- tı̍t tha̍k kàu liáu, lóng bô thêng-hioh. I ê lāu-pē toā hoaⁿ-hí, tah i ê keng-thâu kóng, "Goá ê kiáⁿ tio̍h siū bián-lē, āu-lâi ū toā lō͘-ēng," Thài-chú kóng, "Chā--jı̍t tú khó chit toāⁿ, só͘-í iáu oē kı̀-tit, nā lēng-goā liām pa̍t-ūi, bē tek-khak oē chhin-chhiūⁿ án-ni." Hông-tè koh-khah hoaⁿ-hí i ê sêng-sı̍t, sûi- sı̂ chhoā kàu tı̄ sian-jı̂n tâng siōng ê bı̄n-chêng, kí i kóng, "Goá ê kiáⁿ tio̍h bián-lē, ǹg-bāng lí āu-lâi ê siōng pı̂ⁿ-pı̂ⁿ pâi-lia̍t, in-ūi sêng-sı̍t ê sim, sı̍t-chāi hō͘ goá hoaⁿ-hí.”
Cháiⁿ-iūⁿ Soé Kiàⁿ
Bó͘ thài-thài tùi chit ê soè-hàn ê ko͘-niû kóng, "Goá beh kà lí cháiⁿ-iūⁿ oē soé kiàⁿ. Chit ê kiàⁿ- téng ū chı̍t-tiám-á o͘-pan. Tāi-seng thang ēng hún sám, o͘-pan liâm-piⁿ oē piàn-pe̍h--ê, nā-sı̄ iû-goân bô hó khoàⁿ, iā bô ha̍p-ēng." Koh kóng, "Che thang pí- phēng jia-khàm kè-sit ê siáu-jı̂n, kiaⁿ hō͘ lâng ki-chhı̀ i, chhiò i, chiū chiong kè-sit lâi jia-khàm. Lâi jia-iám lâng ê jiⁿ-bo̍k, kiám m̄-chai jia-iám liáu-āu, iû-goân sı̄ oh-khoàⁿ, tú-tú chhin-chhiūⁿ ēng hún jia o͘-pan chı̍t-iūⁿ." Koh kóng, "Tio̍h the̍h chit tè hái-jiông, ùn chúi, chiong hún o͘-pan lóng-chóng chhit chheng--khı̀. Che thang pí-phēng lâng hoān-choē liáu-āu, tùi Chú sêng-jı̄n, Chú ū koân oē soé-tû lâng ê choē. Sèng-keng kóng, Lí ê choē sui-jiân âng kàu chhin- chhiūⁿ gûn-chu, Chú tek-khak hō͘ lí pe̍h kàu chhin-chhiūⁿ seh." Soè ko͘-niû hiáu-ngō͘ i ê ı̀-sù, āu--lâi choè sêng-sı̍t ê lâng.
Cha̍p-jı̄ hè choè Léng-siù
Má-lé-sùn Sian-siⁿ kóng, Lâm Hui-chiu ū chı̍t keng lé-pài-tn̂g, sı̄ pún-toē thó͘-jı̂n khí --ê, lāi-tiong ū chı̍t ê cha̍p-jı̄ hè ê gín-ná, choè thoân-tō. Chit ê gín-ná bat tı̄ kàu-hoē ê o̍h-tn̂g tha̍k-chheh, tò-lâi ke-nih liáu-āu tāi-seng kà chhù-piⁿ ê gín-ná, tı̄ soa- téng siá-jı̄. Chhù-piⁿ ê lâng kı̂-koài i, chiū saⁿ-kap khí chı̍t keng lé-pài-tn̂g, chhiáⁿ hit ê gín-ná choè léng-siù, kà chheh kóng tō-lí, i só͘ kà só͘ kóng--ê, lóng sı̄ tı̄ sı̀ pún Hok-im-toān ê lāi-bı̄n.
Thong hiuⁿ-siā ê lâng, tùi án-ni lâi sı̀n Chú, pa̍t hiuⁿ-siā ê lâng, iā ū in-ūi án-ni lâi him-bō͘ tō-lí. Tùi án-ni khoàⁿ, ūi Chú choè kang, mih-sái to̍k- to̍k tio̍h toā-lâng, mih-sái tio̍h choē hè koh gâu, to̍k-to̍k tı̄ thiàⁿ Chú kap bô thiàⁿ Chú, ū kiù lâng kap bô kiù lâng ê sim nā-tiāⁿ.
Chhı̄ gû Gín-ná ê Hù-chiok
Ū chı̍t ê gín-ná tı̄ soaⁿ-nı̍h teh chhı̄ gû, sim-lāi chin hoaⁿ-hí, toā siaⁿ teh chhiùⁿ-koa, chhiùⁿ kàu tı̄ soaⁿ-oan, lō͘ oat ê só͘-chāi. Hut-jiân tú-tio̍h chı̍t ê kok-ông, khiâ bé beh khı̀ phah-la̍h. Ông kóng, "Thang thiàⁿ ê soè-kiáⁿ, lí cháiⁿ-iūⁿ kàu chiah hoaⁿ- hí?" Ìn kóng, "Chit-tia̍p ê kok-ông boē pí-tit goá ê pù, goá tit-tio̍h chit ê toē-ūi, cháiⁿ-iūⁿ oē bô hoaⁿ- hí?" Ông kóng, "Lí só͘ ū ê sán-gia̍p, bêng-bêng kā goá kóng." Ìn kóng, "Chiò goá ê jı̍t-kng, chhin- chhiūⁿ chiò ông ê jı̍t-kng bô koh-iūⁿ. Soaⁿ ê hoe ê súi kah ba̍k-chiu, kap ông-ke ê hoe-hn̂g saⁿ chhin- chhiūⁿ. Chit ê í-goā koh ū thang chia̍h, ū thang chhēng, bô koâⁿ, bô iau, goá pí kok-ông ū sím-mı̍h khah su? Kok-ông pí goá ū sím-mı̍h khah iâⁿ-kè?" Ông kóng, "Soè-kiáⁿ ê oē tio̍h, lí ê hù-chiok, bô m̄- sı̄ chit ê ti-chiok sim. Lí nā pó-siú bô sit-lo̍h, chiong sin thang hoaⁿ-hí khoài-lo̍k."
Bāng kı̀ⁿ jı̍p Thian-tông
Bó͘ chá-khí chı̍t ê cha-bó͘-gín-ná tùi i ê lāu-bú kóng, "Chā mı̂ bāng-kı̀ⁿ goá í-keng sí lah, soà jı̍p tı̄ Thian-tông, khoàⁿ-kı̀ⁿ só͘ bē bat khoàⁿ-kı̀ⁿ, thiaⁿ- kı̀ⁿ só͘ bē bat thiaⁿ-kı̀ⁿ--ê."
Lāu-bú ı̀n kóng, "Lí tı̄ Thian-tông khoàⁿ-kı̀ⁿ chı̄-chūi?" Cha-bó͘-gín-ná kóng, "Goá tāi-seng khoàⁿ-kı̀ⁿ Chú-jı̍t-o̍h ê sian-siⁿ, i tı̄ hit ūi chin kú, jı̄n-tit lâng chin choē, kā goá kóng tah-lo̍h chı̍t ê sı̄ Pó-lô, tah-lo̍h chı̍t ê sı̄ Ngá-kok, tah-lo̍h chı̍t ê sı̄ A-pek-lia̍p-hán, kap it-chhè ê sian-ti."
Lāu-bú mn̄g kóng, "Sian-siⁿ bô kā lí kóng tah- lo̍h chı̍t ê sı̄ Chú Iâ-so͘ mah?" Cha-bó͘-gín-ná kóng, "M̄-bián kā goá kóng, goá sı̄ I ê soè iûⁿ-á-kiáⁿ, chı̍t ē jı̍p khı̀ chiū jı̄n-tit I. I khoàⁿ-kı̀ⁿ goá, chı̍t ē, chiū jı̄n kı̀ⁿ. Sù-tô͘ Sian-ti oē jı̄n-tit á boē, lóng bô iàu-kín, to̍k-to̍k Chú Iâ-so͘ ūi goá pàng- sak sı̀ⁿ-miā, chhiú kha hia̍p-ē, lóng ū siong-hûn, hoān-nā thiàⁿ I ê lâng, chı̍t-ē khoàⁿ-kı̀ⁿ, chiū jı̄n-tit I. Nā m̄ jı̄n I, koat-toàn boē jı̍p hit lāi-bı̄n."
M̄ chai tha̍k ê lâng, í-keng jı̄n Chú Iâ-so͘ á bē? Nā iáu-kú bē jı̄n I, kin-á-jı̍t siat-sú lı̄-khui sè-kan, chhiáⁿ mn̄g lí ê lêng-hûn beh kàu sím-mı̍h só͘-chāi, lâi siū sím-mı̍h pò-èng?
