1 Tio̍h pûn hi-liân hō-tâng,
Hok-im hoaⁿ-hí ê siaⁿ;
Thiⁿ-ē bān-kok bān-lâng,
Lâm-hū ló-iù lóng-thiaⁿ;
Hi-liân í-kàu tāi-sià jı̍t-kı̂,
Siōng-tè chhe Kiáⁿ tiàu-lán kui i.
2 Lán choè A-tong hō͘-è,
Siū-choē koáⁿ-chhut Lo̍k-hn̂g,
Siōng-tè ê Kiáⁿ kàng-sè;
Thoè lán thó-gia̍p tò-tńg;
Hi-liân í-kàu tāi-sià jı̍t-kı̂,
Siōng-tè chhe Kiáⁿ tiàu-lán kui i.
3 Lán choè Sat-tàn lô͘-po̍k,
Choē-gia̍p ná-kú ná-tāng,
Iâ-so͘ lâu-huih lâi sio̍k,
Khò i chiū tit tháu-pàng;
Hi-liân í-kàu tāi-sià jı̍t-kı̂,
Siōng-tè chhe Kiáⁿ tiàu-lán kui i.
4 Thian-kok mn̂g-lō͘ toā-khui,
Thiⁿ-pē pâi toā-iân-sia̍h,
Choē-jı̂n put-lūn chı̄-chūi,
Tio̍h lâi tâng-chē lim-chia̍h;
Hi-liân í-kàu tāi-sià jı̍t-kı̂,
Siōng-tè chhe Kiáⁿ tiàu-lán kui i.
