1 Chhoā kàu thian-tông éng-oa̍h só͘-chāi,
Che mn̂g che lō͘ oe̍h-oe̍h pek-gāi,
Mn̂g lāi lō͘ chiūⁿ chió-chió ū lâng,
Ài jı̍p kan-lân, chió kiâⁿ kàu thàng.
2 Ài kàu thian-tông su-io̍k tio̍h khı̀,
Koh tio̍h chiàu-kò͘ chhùi ba̍k kap hı̄;
Kok hāng só͘ choè lóng chiàu hoat-tō͘,
Iok-sok chhit-chêng m̄ thang chhò-gō͘.
3 Bo̍h-tit tham châi kim-gûn pó-khı̀,
Bo̍h-tit hāi lâng ka-kı̄ ū lı̄;
M̄ thang lām-sám kóng pe̍h-chha̍t oē,
Bo̍h oàn sı̄-toā, bô tò͘ sı̄-soè.
4 Kiau-ngō͘ ê sim tio̍h pı̀ⁿ khiam-pi,
Tio̍h thiàⁿ pa̍t lâng ná lán ka-kı̄,
Tio̍h lâi ho̍k-sāi chin oa̍h Siōng-tè,
Tio̍h khò Iâ-so͘ pē sı̍p-jı̄-kè.
5 Thó͘-khùi lán lâng lóng-chóng loán-jio̍k,
Ài kiâⁿ thiⁿ lō͘ khùi-la̍t bē chiok;
Khún-kiû Iâ-so͘ kàng-lo̍h Sèng-sı̂n,
Chān lán hó sū khı̀ kiâⁿ kàu chı̄n.
