1. Sı̀n-tô͘ chò chhin oh tú-hó,
In-ūi thâu-náu ū khah hó;
Lâm-chú beh chhoā iū chhoā bô,
Lú-chú beh kè bē tú hó.
2. Sı̀n-tô͘ ta̍k hāng khah kng thang,
Khah bô sı̀n-iōng tı̄ moâi-lâng;
Pí lán khah hó chiah beh pàng,
Bô siūⁿ lán sı̄ siáⁿ téng lâng.
3. Lâm-chú bô teh ka-tı̄ phêng,
Chhoā beh ko-téng lú-ha̍k-seng;
Lú-chú bô siūⁿ sím-mı̍h téng,
Kè boeh phok-sū á i-seng.
4. Lâng kóng lâm-chú m̄ jı̄n gōng,
Chit kù sio̍k-gú to ū thong;
Beh chhoā chhian-kim bô tàng chông,
Beh chhoā sian lú bô tàng bong.
5. Iū kóng lú-chú m̄ jı̄n bái,
Chit kù ê oē iā sı̍t-chāi;
Chò chhin m̄ sı̄ bô tāi-khài,
Gō͘ liáu chheng-chhun tı̍t-tı̍t lâi.
6. Lú-chú chò-kheh kàu jı̄-jı̄,
Hit chūn kiû-hun moá-moá sı̄,
Kéng bô chı̍t ê i kah ı̀,
Āu-lâi kiû hun ē thêng chí.
7. Jı̄-sı̀ jı̄-gō͘ nā boē kè,
Siong-tong beh chhoā chiū khah the;
Sàn-hiong beh chò i bô beh,
Nı̂-hoè chı̍t-nı̂ chı̍t-nı̂ ke.
(Boē-oân)
[chù: khó-sioh chhâ-phiàn kai-nı̂-tō͘ sı̀ goe̍h-hūn chi-āu ê loē-iông lóng bô koh-chài khoàⁿ-tio̍h āu-sio̍h ê bûn-chiuⁿ.]
(Tâi-oân Kàu-hoē Kong-pò, Tē 735 kı̂, 1950 nı̂ 3 goe̍h)
