Chhá-tē-phoê ê sı̂-tāi
Lâng kóng hô͘-sı̂n-chng
Sı̄ goá toà ê só͘-chāi
Ke-tiôⁿ moá-moá sı̄
Chng-thâu chng-boé
Àm-sı̂ kui-phiàn lóng tiān-hoé
Chı̍t-pha tiān-hoé chı̍t-chiah ke
Ke ê chûn-chāi
Khiàn-chèng hi-seng ê tiat-ha̍k
Pàng ke-sái
Seⁿ hô͘-sı̂n
Bô pit-iàu toā-kiaⁿ-sió-koài
Ū-chı̂ⁿ chiū-sı̄ chûn-chāi
Ta̍k-mı̂ tńg--khı̀
Keng-koè chhı̄-ke-tiôⁿ
Chı̍t-pha tiān-hoé chı̍t-chiah ke
Chı̍t-chióng sèⁿ-miā ê chûn-chāi
Tām-po̍h-á pi-ai
Tı̄ goá sim-lāi
Chhù-piⁿ kó͘-ı̀ lâng ê ke-sái
Pha̍k tı̄ goán mn̂g-kháu-piⁿ
Siū-khı̀ khı̀ khòng-gı̄
Soah hō͘ lâng kà-sı̄
Chò lāu-su bián iâng-khı̀
Chia̍h hô͘-sı̂n ū siáⁿ tāi-chı̀
Pêng-iú lâi thàm-sı̄
Kóng goán chhân-chng hó gı̂m-si
Ke-tiôⁿ chhun-pian ha̍p
Hô͘-sı̂n boán-thian hui
Kun put bûn
Chū-kó͘ hô͘-sı̂n thian-siōng lâi
Lâi-kàu jı̂n-kan put hiù hâi
Kun-chú ki chi
Hô hô͘-sı̂n chi iú
Goán bó͘ kā i kóng
Chhù-piⁿ iú giân
Hô͘-sı̂n chhá bí-hún
Thian-hā tē-it miâ-chhài
Hoaⁿ-hí tio̍h sı̄ hó só͘-chāi
Chhá-tē-phoê ê sı̂-tāi
Kiâⁿ hiòng chhân-chng só͘-chāi
Goán-tau toà tı̄ hô͘-sı̂n-chng
Bô khı̀-hiâm lí tio̍h lâi
Chhiáⁿ lí hô͘-sı̂n chhá bí-hún
Bye-bye bye-bye
