“Lâi lâi lâi, khoàⁿ khoàⁿ khoàⁿ
Kín lâi kín khoàⁿ, bān lâi
Lí to̍h kan-na khoàⁿ chı̍t-poàⁿ”
Koáⁿ-kín chông khı̀ khoàⁿ
Í-keng siuⁿ-koè oàⁿ
Siàu-lú chhēng chı̍t-poàⁿ
Kûn-thâu phah kah toā-lia̍p koāⁿ sè-lia̍p koāⁿ
Khiā tı̄ hn̂g-hn̂g khoàⁿ
It-chhè lóng thoat-soàⁿ
Kang-hu bô teh poaⁿ
Ko͘-io̍h theh khí-lâi toāⁿ
Thô͘-soa-hún chò io̍h hông kiáu noā
Chhiū-kin chhiat-phı̀ⁿ bián koh choaⁿ
Ko-lê jı̂n-sam lo̍k-jiông pó͘-io̍h-toaⁿ
Cha-po͘-lâng chia̍h liáu chòng-iông koh pó͘-koaⁿ
Cha-bó͘-lâng chia̍h liáu àm-sàm-pı̄ⁿ bē koh thoàⁿ
A-se--ê chı̍t-toā-koāⁿ
Chheⁿ-chhám jı̂m chı̂ⁿ chhut-lâi oāⁿ
Khok-khok tán beh khoàⁿ lēng-goā hit-poàⁿ
Siūⁿ beh cháu koè-khı̀ kā i khui hoa̍t-toaⁿ
Kiaⁿ lâng kóng goán âng-pau ia̍h-beh siu ia̍h-beh koáⁿ
Kèng-chhat tú-tio̍h ông-lo̍k-á-sian
Chí-hó tán kàu hı̀ soah lâng soàⁿ
