Gî-lân chi-sòaⁿ
Bîn-kok 17 nî, hit-tang-chūn to̍h-sī lán chím-má kóng ê pak-hôe ê thih-lō͘, hit-tang-chūn iá m̄-sī, pak-hôe ê thih-lō͘, hit-tang-chūn kiò chhiòng-koàn lō͘ Gî-lân chi-sòaⁿ, i chit-ê sī kah So͘-ò niâ-niā, tio̍h tùi Koe-lâng Peh-tó͘ , Peh-tó͘ hia hun chhut-lâi, hun chhut-lâi, lâi kah Gî-lân ê So͘-ò, che kiò-chò “Gî-lân chi-sòaⁿ”.
I sī án-ne khí tī chit-ê só͘-chāi, to̍h sī in-ūi tī thih-lō͘ pêng hong-piān ūn-su, i sī án-ne iōng thih-lō͘ ūn-su? chiàu-lí-kóng, lâng kau chhek-á iōng lî-á-khak iá-sī iōng gû-chhia tio̍h hó, sī án-ne ài iōng thih-lō͘? in-ūi, lán chia-ê, Gî-lân ê bí sī lán Tâi-oân saⁿ tōa ê bí-chhng chi it, tio̍h sī lán kóng ê, lán chia seng-sán ê kiû-bí,lâi kóng, sò͘-liōng sī hui-siông ê chē, só͘-í, Ji̍t-pún chiàm-léng Tâi-oân hit-tang-chūn hi-bōng siu-koah lán che ê Lân-iông pêng-goân, Gî-lân pêng-goân chia ê chhek-á, gōa-sàng, chài tńg-khì in Ji̍t-pún, sīm-chì chài khì tá? chài khì Tang-lâm-a chài khì Tang-lâm-a( chhòng siáⁿ? beh Tang-lâm-a( hō͘ in ê kun-hu, chò chò in ê kun-niû.
poaⁿ-ūn[siu-kái]
i su-iàu chi̍t-ê kah hong-piān ê ūn-su ê chi̍t-ê kau-thong, só͘-í, to̍h kah chit-ê Jī-kiat chhek-chhng khí tī thih-lō͘ pêng, kî-si̍t tī chit-ê chhia-siuⁿ chit ê só͘-chāi, í-chêng ū chi̍t ê kiò-chò gōa ūn ê chhng-khò͘, to̍h-sī chhek-á e hó liáu-āu, siu-koah e hó liáu-āu, i kah hit ê pòaⁿ sêng-phín ê chhek-á lóng kah khǹg tì chhng-khò͘, hit ê hóe-chhia ê pán-tâi ti̍t-chiap kah thoa jip--lâi, ti̍t-chiap tio̍h ē-tàng kah chhek-á lóng poaⁿ khí--lih pán-tâi téng-thâu, i ê o͘-sek hit ê hòe-chhia siuⁿ ti̍t-chiap tio̍h ē-tàng kah poaⁿ khí--lih, só͘-í, i ka kah chit-ê Jī-kiat chhek-chhng, Jī-kiat lông-hōe khí chit-ê só͘-chāi.