Goá Kiò Sím-mı̍h Miâ

E̍k Ū chı̍t jı̍t, chı̍t ê seng-bu̍t kàu-siū, beh kā ha̍k-seng khó-chhı̀. I koāⁿ chı̍t kha chiáu-láng-á jı̍p lâi kàu-sek. Chiáu-láng-á lāi-bı̄n ū chı̍t chiah chiáu-á, goā-bı̄n iōng chı̍t tè o͘-pò͘ khàm--leh. Chit ê kàu-siū hian-khui chı̍t-sut-á o͘-pò͘, hō͘ ha̍k-seng khoàⁿ chiáu-á ê kha. Kàu-siū mn̄g ha̍k-seng kóng, "Chit chiah chiáu-á sı̄ sím-mı̍h khoán chiáu-á, kā i ê miâ siá--chhut-lâi ". Ū chı̍t ê ha̍k-seng chin siū-khı̀. I siūⁿ kóng kan-taⁿ khoàⁿ chiáu-á-kha, beh ná ē chai-iáⁿ sı̄ sím-mı̍h khoán chiáu-á. Só͘-í i chiū bô ài chham-ka khó-chhı̀, tùi kàu-sek kiâⁿ--chhut-khı̀. Kàu-siū khoàⁿ--tio̍h, chiū kā kiò lâi mn̄g kóng "Lí sı̄ án-choáⁿ m̄-ài khó-chhı̀. Lí kiò sím-mı̍h miâ? "Chit ê ha̍k-seng lóng bô kóng-oē, kan-taⁿ le̍k i ê khò͘-kha--khí-lâi hō͘ kàu-siū khoàⁿ i ê kha, kóng, " Lí khoàⁿ goá ê kha, goá kiò sím-mı̍h miâ?" (Tâi-oân-jı̄ Cha̍p-chı̀ tē 2 kı̂, 2000 nı̂ 7 ge̍h)