Kim-lêng kàu-hoē chin hó-miâ
Siōng-tè teng-tâi kng-iàⁿ-iàⁿ
Chú beh chhoā lán tè i kiâⁿ
Tè Chú kha-po͘ chiū chū-chāi
Boē hō͘ pháiⁿ-lâng lâi hām-hāi
Siōng-tè ê oē sı̄ lāi-kiàm
Iōng hó iâⁿ pháiⁿ lâi kau-chiàn
Hō͘ in bêng-pe̍k ū Siōng-tè
Ka-kı̄ khiam-pi lâi kun-tè
Siōng-tè kiò chhíⁿ i ê sim
ho͘ i koáⁿ-kín lâi hoán-hoé
Tı̄ Chú bı̄n-chêng lâi jı̄n choē
Hō͘ Chú hoaⁿ-hí lâi sio̍k-hoê
Chú ê kiù-un chin-chiàⁿ toā
Hō͘ lán choē-lâng thang kūn-oá
Nā ū hoán-hoé sı̀n-khò Chú
Chiong-lâi hok-khı̀ tek-khak ū
Siōng-tè un-tián hián-chhut thiàⁿ
Hō͘ lán bo̍k-su tit ióng-kiāⁿ
Hō͘ in sin-khu ū lêng-le̍k
Thoân Chú hok-im toā-tek-sèng
Siōng-tè chiok-hok in choân-ke
Hō͘ in kiáⁿ-jı̂ gâu tha̍k-chheh
Siōng-tè ín-chhoā chin sūn-sū
Ē jı̍p tāi-ha̍k bián koà-lū
Taⁿ kiû Siōng-tè tio̍h chiok-hok
Hō͘ in choân-ke ū khoài-lo̍k
Kám-siā Siōng-tè toā un-sù
Hō͘ lán N̄g-ūi hó bo̍k-su
Bo̍k-su ūi Chú gâu choè-kang
Siōng-tè chiok-hok bô khang-khang
Hō͘ lán kàu-hoē lú oa̍h-tāng
Jı̍t-jı̍t ke-thiⁿ lú choē lâng
Bo̍k-su tiúⁿ-ló kah chı̍p-sū
Tâng-sim tio̍h-boâ êng-kng Chú
Chú ê sı̍p-kè sı̄ teng-tâi
Giâ khí koâiⁿ-koâiⁿ chiò lo̍h-lâi
Chiò tı̄ o͘-àm ê só͘-chāi
Hō͘ lâng khoàⁿ-kı̀ⁿ chin ı̀-ài
Chú ê sèng-tiān sı̄ kong-bêng
Ho̍k-sāi Siōng-tè sim khiân-sêng
Bo̍k-su choè lán ê bo̍k-chiá
Choè thâu chhoā lán tè i kiâⁿ
Bo̍k-su kha-pō͘ chin-chiàⁿ súi
Tè i lâi kiâⁿ boē lı̄-khui
Bo̍k-chiá koan-sim tih chiàu-kò͘
Chiū boē hō͘ iûⁿ kiâⁿ bê-lō͘
Chhoā jı̍p iûⁿ-tiâu chin kian-kò͘
M̄-kiaⁿ háu-sai lâi khó͘-chhó͘
Siōng-tè siúⁿ-sù ū lêng-le̍k
Kah i kau-chiàn toā tek-sèng
Taⁿ kiû Siōng-tè toā chiok-hok
Hō͘ lán Kim-lêng ná thian-kok
Siōng-tè pı̄-pān hó só͘-chāi
Taⁿ kiû Siōng-tè lâi an-pâi
Nā ū Siōng-tè hó ı̀-sù
M̄-bián koà-lū tek-khak ū
Siōng-tè chiok-hok lán tāi-ke
Chú oē chhoā lán kı̀ⁿ thiⁿ-pē
