Lâng ê sè-kài
Chı̍t-pún chı̍t-pún ê chheh
Lâng ê thâu-khak lāi
Chı̍t-pán chı̍t-pán ê nńg-thé
Chū kó͘-chá kó͘-chá
Khoàⁿ-thiⁿ khoàⁿ-tē
Lâng khai-sí kóng
Chı̍t-toā-tui oē
Àn iâu-oán ê nı̂-tāi
Chhòng-chō jı̍t-goa̍t
Khai-thian phek-tē
Lâng kóng ê sı̂n-oē
Sı̍t-chāi ū kàu choē
Lâng kóng ê thiⁿ
Chı̍t-pán oāⁿ koè chı̍t-pán
Lâng kóng ê tē
Chı̍t-khoán oāⁿ koè chı̍t-khoán
Bûn-bêng ê tiān-iáⁿ
Chı̍t-phı̀ⁿ koh-chài chı̍t-phı̀ⁿ
Ài-chêng seⁿ-sí
Siâ-ok chèng-gı̄
Chióng-chióng ê kian-chhı̂
Chı̍t-chhut chı̍t-chhut ê hı̀
Lâng kóng ê tı̀-hūi
Lâng ê kok-ka siā-hoē
Só͘-ū ê sèⁿ-miā
Hōng-hiàn ê pó-hoeh
Tâi tı̄ thô͘-kha
Lâu tı̄ bûn-jı̄
Chı̍t-tui chı̍t-tui ê oē
Chı̍t-pún chı̍t-pún ê chheh
