hng uá iā chiũ sṳ̀ phêng-khang, sĩ buān-khûn kâi Tsú Iâ-hô-hûa só-tàⁿ.
[10] Tã-lĩ-u jī nîⁿ, káu gue̍h, jī-tsa̍p-sì ji̍t, ũ Iâ-hô-hûa kâi ūe thoh tõ soiⁿ-tsai nâng Hap-ki kâi chhiú, tàⁿ, [11] Buān-khûn kâi Tsú Iâ-hô-hûa chièⁿ-seⁿ tàⁿ, Taⁿ lṳ́ tie̍h chiang lu̍t-huap mn̄g chèng chì-si, tàⁿ, [12] Jia̍k-sĩ ũ nâng phè siàⁿ-ne̍k tõ i-kâi saⁿ-kṳ, chiũ chiang i-kâi saⁿ-kṳ hôi--tie̍h piáⁿ, ho̍k-sĩ keⁿ, ho̍k-sĩ chiú, ho̍k-sĩ iû, a-sĩ che̍k-khài kâi chia̍h-mue̍h, iáu chí-kâi mue̍h khá-õi siàⁿ-kiet, mé? Chèng chì-si chiũ tap-tàⁿ, Bõi. [13] Hap-ki chiũ tàⁿ, Jia̍k-sĩ ũ nâng ũi-tie̍h sin-si chiũ jiám u-ùe, iáu thãng--tie̍h chí tsùaⁿ-kâi mue̍h, chí-kâi mue̍h õi u-ùe a bõi? Chèng chì-si chiũ tap-tàⁿ, Pit õi u-ùe. [14] Hap-ki chiũ tap-tàⁿ,
Iâ-hô-hûa tàⁿ, Chí-kâi peh-sèⁿ iā sĩ chièⁿ-seⁿ, kũa chí-kâi pang-tso̍k iā sĩ chièⁿ-seⁿ, tõ uá mīn-tsôiⁿ; kũa huâm in-
