Cī siŏh-hiĕk gó muôi gáu-dó̤i
Soiⁿ-tsai-nâng Sat-ka-lĩ-a kâi tsṳ.
1
Tã-lĩ-u jī nîⁿ, poih gue̍h, Iâ-hô-hûa kâi ūe thoh soiⁿ-tsai-nâng Sat-ka-lī-a, sĩ Ĩ-to kâi sun, sĩ Pí-lí-kia kâi kiáⁿ, tàⁿ, [2] Iâ-hô-hûa tūa huat-náu nín-kâi lie̍t-tsóu. [3] Kù-tshṳ́ lṳ́ tie̍h tùi-in tàⁿ, Buān-khûn kâi Tsú Iâ-hô-hûa chièⁿ-seⁿ tàⁿ: Nín tie̍h kui-tńg tõ uá, chí-kâi sĩ buān-khûn kâi Tsú Iâ-hô-hûa só-tàⁿ; uá chiũ pit àiⁿ kui-tńg tõ nín; sĩ buān-khûn kâi Tsú Iâ-hô-hûa só-tàⁿ. [4] Nín mài chhin-chhiẽⁿ nín-kâi lie̍t-tsóu, soiⁿ-tsá kâi soiⁿ-tsai-nâng ũ tùi-in u-hàm, tàⁿ, Buān-khûn kâi Tsú Iâ-hô-hûa chièⁿ-seⁿ tàⁿ, Nín taⁿ tie̍h lī nín-kâi ak-lōu kũa nín-kâi ak-sṳ̄ lâi kui-tńg: tãn-sĩ in m̄-thiaⁿ, iā m̄ thiaⁿ-hiàng tõ uá, chí-kâi sĩ Iâ-hô-hûa só-tàⁿ. [5] Nín-kâi lie̍t-tsóu taⁿ tõ-tî-kò né? kũa chèng soiⁿ-
