[8] Siãng-chhiáⁿ Iâ-hô-hûa kâi ūe iā thoh uá, tàⁿ, [9] Só-lô-pa-pek kâi chhiú ũ pàng chí-kâi tshù kâi tī-kha; i-kâi chhiú iā chiũ pit tsò-chiâⁿ; lṳ́ chiũ tsai sĩ buān-khûn kâi Tsú Iâ-hô-hûa ũ sái uá lâi nín-kò. [10] In-ũi sĩ tî-tîang ũ thóiⁿ-khin sié-sṳ̄ kâi sî-ji̍t, né? in-ũi in chiang-àiⁿ hí-la̍k, iā àiⁿ thóiⁿ-kìⁿ tūi-tô tõ Só-lô-pa-pek kâi chhiú; chiũ-sĩ chí chhit-kâi, sĩ Iâ-hô-hûa chhit-kâi ma̍k, pìn-tshat tshuân-tī kâi.
[11] Uá chiũ tùi-i tàⁿ, Teng-chhiū tsó-iũ chí nõ-tsâng kaⁿ-náⁿ-chhiū sĩ sĩ-mih kâi né? [12] Uá tōiⁿ-jī tshṳ̀ iũ tùi-i tàⁿ, Nõ-kâi kim kńg-tshùi tshông-tõ i lãi--tang tò-tshut kim-iû, tõ i-kâi piⁿ--thâu chí nõ-ki kaⁿ-náⁿ chhiū-ki sĩ sĩ-mih kâi né? [13] I chiũ tùi-uá tàⁿ, Lṳ́ khá m̄-tsai chí nõ-kâi sĩ sĩ-mih kâi né? Uá chiũ tàⁿ, Uá-tsú, uá m̄-tsai. [14] I chiũ tàⁿ, Chí-kâi sĩ nõ-kâi tò-iû chiá, sĩ khiã tõ tshuân-tī kâi Tsú kâi phâng-piⁿ kâi.
