tsṳ-tang sĩ sǹg-tsò siũ chìu-tsó kâi, uá iā àiⁿ chièⁿ-seⁿ kiù nín, nín chiũ sǹg-tsò tit-hok kâi nâng; nín mài-kiaⁿ, zûi-sĩ nín-kâi chhiú tie̍h hùn-la̍t.
[14] In-ũi buān-khûn kâi Tsú Iâ-hô-hûa chièⁿ-seⁿ tàⁿ; Zû uá soiⁿ-tiâng-sî ũ-siẽⁿ àiⁿ-hāi nín, chiũ-sĩ nín-kâi lie̍t-tsóu kek uá huat-náu hṳ́-sî, uá iā bô siẽⁿ-hùe, chiũ-sĩ buān-khûn kâi Tsú Iâ-hô-hûa só-tàⁿ; [15] uá tõ chí-kâi sî-ji̍t iā ũ chièⁿ-seⁿ tsài-siẽⁿ àiⁿ hó khuán-thãi Iâ-lũ-sat-léng, kũa Iû-tã kâi ke; nín mài-kiaⁿ. [16] Nín só tie̍h-kiâⁿ chiũ-sĩ chí-tsùaⁿ-kâi; Nín kak-kak tie̍h kāng i-kâi tshù-piⁿ tàⁿ chin-si̍t; tie̍h tuàn chin-si̍t kũa hûa-phêng kâi kong-tuàn tõ nín-kâi siâⁿ-mn̂g-kha: [17] kak-kak iā m̄-hó huâi ak-liãm tõ nín-kâi sim--tang lâi mˆo͘ng-hāi i-kâi tshù-piⁿ: iā m̄-hó hàuⁿ hṳ-ké kâi huat-sī, in-ũi chí che̍k-khài kâi sṳ̄ sĩ uá só-lóu, chiũ-sĩ Iâ-hô-hûa só-tàⁿ.
