Iâ-lũ-sat-léng kâi nńg-tsṳ́ a! tie̍h háu-siaⁿ: Lṳ́ thóiⁿ! Lṳ́-kâi uâng lâi-kàu lṳ́-kò: I sĩ kong-ngĩ, iũ sĩ Kiù-chiá; sĩ un-jiû, khiâ tõ lṳ̂--chiẽⁿ, chiũ-sĩ tõ lṳ̂-bó só-seⁿ kâi lṳ̂-kiáⁿ. [10] Uá iā àiⁿ tṳ̂-tiāu Íⁿ-huap-liên cheⁿ-chièn kâi chhia, kũa Iâ-lũ-sat-léng kâi bé, cheⁿ-chièn kâi keng iā pit tṳ̂-tiāu: I chiũ àiⁿ tùi lie̍t-pang sueh hûa-phêng: I kâi kok-pèⁿ iā pit tshông chièⁿ-pôiⁿ kâi hái tit-thàng kàu hièⁿ-pôiⁿ kâi hái; tsṳ̃ Khoi-hô chì-kàu tī-ke̍k.
[11] Iũ lũn-kip lṳ́, uá ũi-tie̍h kāng-lṳ́ li̍p-ieh kâi hueh, ũ chiang lṳ́ pī khún-pa̍k kâi nâng sái in thut-tshut bô-tsúi kâi kheⁿ. [12] Nín pĩ khún-pa̍k huân ũ tit hi-mōⁿ kâi nâng, nín tie̍h kui-tńg ũe-só: uá kim-ji̍t pò-mêng uá pit kia-pũe pûe-siêⁿ lṳ́. [13] In-ũi uá ũ chiang Iû-tã tǹg-zû tsò keng chiũ mán-khui i, uá ũ chiang Íⁿ-huap-liên tng-zû tsò chìⁿ lâi-kùa keng-hîⁿ; Sûn, a! uá àiⁿ kiah-chhéⁿ lṳ́-kâi kiáⁿ khí--lâi
