siaⁿ! in-ũi in-kâi tsun-iông húiⁿ-hāi liáu: sai-kiáⁿ phâu-háu kâi siaⁿ! in-ũi Iak-tãn kâi iông-hûa húiⁿ-hāi liáu.
[4] Uá-kâi Siāng-tì Iâ-hô-hûa chièⁿ-seⁿ tàⁿ: Chiang-àiⁿ pī-suah kâi iêⁿ-khûn lṳ́ tie̍h mo̍k-iáng in: [5] bõi in kâi nâng suah in, iā bô siũ-tsũe; bõi in kâi nâng iũ sĩ tàⁿ, Kám-siā Iâ-hô-hûa, uá sêng-pù liáu; in-kâi mo̍k-chiá tou bô liên-mién in. [6] In-ũi uá íⁿ-ãu m̄ liên-mién chí-kâi tī kâi kṳ-mîn, sĩ Iâ-hô-hûa só-tàⁿ: Nā-sĩ uá àiⁿ chiang chèng-nâng kak-kak hù tõ i tshù-piⁿ kâi chhiú, kũa tõ i kun-uâng kâi chhiú; in chiũ àiⁿ-phah chí-kâi tī, uá iā tou bô mán in thut-tshut in-kâi chhiú.
[7] Chiang-àiⁿ pī-suah kâi iêⁿ-khûn uá chiũ mo̍k-iáng in, sit sĩ iêⁿ-khûn tang kâi khiông-khóu chiá.
Uá iā chiũ tshú nõ-ki chiãng; che̍k-ki uá kiè-tsò Ṳn-thóng, che̍k-ki uá kiè-tsò Tîⁿ-pa̍k; uá chiũ mo̍k-iáng iêⁿ-khûn.
