2
Taⁿ, nín chèng chì-si a! chí-kâi mẽng sĩ ki̍p--tie̍h nín. [2] Nín jia̍k-sĩ m̃-thiaⁿ, iā m̃ khǹg pàng sim--kò, lâi kui iông-kuang tõ uá-kâi miâⁿ, uá chiũ pit àiⁿ sái chiù-tsūa ki̍p--tie̍h nín, nín tsá só-ũ hṳ́-hok kâi uá iā àiⁿ chiù-tsūa i: siãng-chhiáⁿ ũ chiù-tsūa i liáu, uân-in nín bô khǹg-pàng sim--kò. [3] Nín thóiⁿ! uá ũi-tie̍h nín kâi uân-kù chiũ àiⁿ pāi-hāi nín-kâi chéng-chí, iā chiang pùn kôu tõ nín-kâi mīn, chiũ-sĩ nín chì-mue̍h kâi pùn; nín iā chiũ pit kāng chí-kâi pùn tsò che̍k-ē tṳ̂-tiāu. [4] Nín iā chiũ tsai sĩ uá ũ tshut chí-kâi mẽng lâi ki̍p--tie̍h nín, sái-kàu uá-kâi ieh õi kāng Lĩ-mūi li̍p-sêng, sĩ buān-khûn kâi Tsú Iâ-hô-hûa só-tàⁿ. [5] Uá tsá só kāng-i li̍p kâi ieh sĩ seⁿ-miāⁿ kũa pheng-khang kâi ieh, uá chiũ sṳ̀-pun i chí-kâi, sái i õi kèng-ùi, i chiũ kèng-ùi uá, iũ ùi-kũ uá-kâi miâⁿ. [6] Chin-lí kâi lu̍t-huap sĩ tõ i-kâi tshùi, tõ i-kâi
