[11] Iû-tã ũ kiâⁿ tsà-ngũi, tõ Íⁿ-sek-lie̍t kũa tõ Iâ-lũ-sat-léng iā ũ nâng kiâⁿ khó-ù kâi sṳ̄; in-ũi Iû-tã ũ u-zo̍k Iâ-hô-hûa kâi siàⁿ-kiet, chiũ-sĩ I só ài-sieh kâi, iũ ũ tshú pa̍t-kâi sîn kâi nńg-tsṳ́ lâi tsò chhi. [12] Huâm sĩ-mih nâng tsò chí-kâi sṳ̄, Iâ-hô-hûa pit-àiⁿ tshông-tõ Iá-kok kâi pòu-phâng tsṳ-tang mi̍t-tiāu i kéng-chhéⁿ kâi kũa tap-ìn kâi nâng, kũa àiⁿ mi̍t-tiāu huâm hièn lói-mue̍h pun buān-khˆ¨n kâi Tsú Iâ-hô-hûa kâi nâng. [13] Chí-kâi sṳ̄ nín siãng-chhiáⁿ ũ tsài-tsò: nín chiang nâng kâi ma̍k-tsap, kũa thî-thàu, kũa ai-thàn, lâi chia-kài Iâ-hô-hûa kâi tûaⁿ, tì-kâu Iâ-hô-hûa bô tsài thóiⁿ-kù lói-mue̍h liáu, iā m̃ huaⁿ-hí tõ nín-kâi chhiú--tang siu-na̍p chí-kâi.
[14] Nā-sĩ nín tàⁿ, Ũi-tie̍h tsò-nî, né? Sĩ ũi-tie̍h Iâ-hô-hûa tõ lṳ́ kũa lṳ́ siàu-nîⁿ kâi sî-hāu só-tshú kâi chhi tsṳ-tang ũ tsò
