m̄-sĩ chièⁿ-seⁿ, iáu sím-phuàn kâi Siãng-tì tõ-tî-kò, né?
3
Nín thóiⁿ, uá àiⁿ-sái uá-kâi sài-chiá, i chiũ àiⁿ siu-lōu tõ uá mīn-tsôiⁿ: iáu nín só chhîm-khiû kâi Tsú àiⁿ hut-jiên lâi-kàu I kâi tōiⁿ-tn̂g; chiũ-sĩ mêng-ieh kâi sài-chiá, sĩ nín só hí-zuat kâi, nín thóiⁿ! i àiⁿ-lâi, sĩ buān-khûn kâi Tsú Iâ-hô-hûa só-tàⁿ. [2] Nā-sĩ I lâi kâi ji̍t tî-tiâng õi tam-tng, né? I hién-mêng kâi sî-hāu ti-tiâng õi khiã-li̍p, né? in-ũi I sĩ chhin-chhiẽⁿ tuàn-liẽn chiá kâi húe, iũ chhin-chhiẽⁿ piè-pòu chiá kâi kiⁿ; [3] I chiũ àiⁿ tsõ tõ-kò, chhin-chhiẽⁿ tuàn-ngṳ̂n lâi liēn-chẽng hièⁿ-seⁿ, chiũ àiⁿ liēn-chẽng Lī-mūi kâi kíaⁿ-sun, iũ àiⁿ kheng in chhin-chhiẽⁿ kheng kim-ngṳ̂n hièⁿ-seⁿ; in chiũ àiⁿ kiâⁿ-ngĩ lâi tùi Iâ-hô-hûa hièn lói-mue̍h.
[4] Tõ hṳ́-kâi sî-hāu Iû-tã kũa Iâ-lũ-sat-léng kâi lói-mue̍h, Iâ-hô-hûa chiũ hí-
