Cī siŏh-hiĕk gó muôi gáu-dó̤i
- Tùi chi̍t-bān lâi khàu-tû tsa̍p-ê; tùi tsa̍p-ek lâi khàu-tû chit-ê; tùi tsa̍p-ek liân tsa̍p bān lâi khàu-tû káú ek káu chheng liân káu-tsa̍p-káu.
- Tùi chi̍t-pah-bān liân tsa̍p-it khàu-tû káu-pah liân káu-ê; Tùi jī-tsa̍p-gō͘-bān khàu-tû jī-tsa̍p-sì-bān liân tsa̍p-ê; Tùi tsa̍p tiāu khàu-tû tsa̍p-ek.
- Hâm-hong goân-nî chīu-sī Kiù-tsú kàng-seng 1851 nî, Tông-tī goân-nî chīu-sī 1862. Mn̄g Hâm-hong chē-ūi kúi-nî?
- Góa khì bó͘ lâng ê tiàm-thâu bóe pò͘, ta̍t chîⁿ 867, chīu hō͘-i chi̍t-kho͘-gûn thang ōaⁿ 1113 chîⁿ, i tio̍h tsāu góa jōa-tsōe chîⁿ?
- Tāi-chheng thâu-chit-ê hông-tè, Sūn-tī goân-nî chīu-sī Kiù-tsú kàng-seng 1644 nî; tùi hit-sî kàu-taⁿ kúi-nî?
- Ēng 123, 456, 789 lâi siong-ka, tùi só͘ tit-tio̍h ê tsóng-siàu khàu-tû 658: iáu chhun jōa-tsōe?
- Bó͘-lâng chi̍t-ji̍t ū thàn 125 chîⁿ, koh chi̍t-ji̍t ū thàn 150, iū koh chi̍t-ji̍t ū thàn 186, chīu ēng 225 chîⁿ lâi tia̍h bí: Táu chhun jōa-tsōe?
- Tùi 1100010 tio̍h khàu-tû 123456, 654321 ê tsóng-siàu, khòaⁿ chhun jōa-tsōe.
- Tsa̍p-poeh séng ê lâng-gia̍h chīu-sī téng-bīn Ka-hoat hit-phiⁿ só͘ kì-tsài: Taⁿ mn̄g, Hok-kiàn chió Sù-chhoan jōa-tsōe lâng? Kńg-sai chió Hok-kiàn jōa-tsōe? Hûn-lam Kùi-chiu ha̍p-kiōng chió Kńg-tang jōa-tsōe? Chiat-kang chió Ti̍t-lē jōa-tsōe? Ô͘-lâm Kńg-sai ha̍p-kiōng chió Ô͘-pak jōa-tsōe? Kang-so͘ chió Ô͘-lâm chham Ô͘-pak jōa-tsōe?
- Bó͘ lâng tsòe seng-lí, thâu-chit nî ū thàn 300 niú, tē-jī nî ū thàn 485 niú, tē-saⁿ nî ū si̍h 277 niú, tē-sì nî ū thàn 1230 niú, tē-gō͘ nî ū si̍h 820 niú, tē-la̍k nî ū thàn 3566 niú: Taⁿ mn̄g, Chí la̍k-nî-lāi siōng thàn jōa-tsōe; Tek 4484 niú.
- Nn̄g-lâng Tsoân-chiu khí-sin kiâⁿ siâng-lō͘, chi̍t-lâng khiân-bé, chi̍t-lâng pō͘-kiâⁿ; khiâ-bé-ê ta̍k-ji̍t kiâⁿ 95 lí, pō͘-kiâⁿ-ê ta̍k-jit kiâⁿ 66 lí: Ke saⁿ-ji̍t sûi-lâng ū kiâⁿ kúi-lí? Koh saⁿ-lī kúi-lí? Tek 285, 198, 87.
- Ū lâng thàn chîⁿ 561, nā-sī hit-ji̍t só͘-hùi chīu-sī tia̍h-bí 200, bóe-bah 100, bóe-chhài 30, bóe-chhâ 20, bóe-tāu-koaⁿ 15, bóe-tāu-iû 5, taⁿ-tsúi 12, tah-hé-iû 24: Iáu chhun jōa-tsōe?
- Ē-mn̂g kàu Ngó͘-thong 30 lí lō, Ngó͘-thong kàu La̍k-gō͘-tàiⁿ 25 lí, Lak-gō͘-tàiⁿ kàu Tōa-iâⁿ 68 lí, Tōa-iâⁿ kàu Gō͘-lêng 35 lí, Gō͘-lêng kàu Tsoân-chiu 33 lí. Kiám-chhái lâng Ē-mn̂g khí-sin, khùn Tōa-iâⁿ, nn̄g-ji̍t ê lō͘ tsoa̍h kúi-lí? Tek 55.
