Chit-ê chioh koh hêng ê hong-hoat, kiám-chhái ū lâng bōe bêng-pe̍k, chīu tio̍h sīuⁿ tùi chêng-ūi chioh chi̍t chīu hit-ūi tio̍h khah-chió, nā-sī bô hō͘ i khah-chió, sòa thiⁿ ē-lia̍t chīu-sī saⁿ-tâng.
4345 2826 ———— 1519
Khòaⁿ piⁿ-thâu só͘ pâi-lia̍t ê siàu.
5 kiám 6 bô thang kiám, tùi chêng-ūi ê 4 (chīu-sī 4 tsa̍p) chioh 1 tsa̍p lâi thiⁿ-chham tsòe 15 kiám 6 chhun 9.
Taⁿ tùi tsa̍p ūi ê 4 ū chioh 1 tio̍h chhun 3, 3 kiám 2 chhun 1.
Nā-sī khòaⁿ téng-lia̍t iû-goân tsòe 4, lâi thiⁿ ē-lia̍t ê tsa̍p-ūi tsòe 3; 4 kiám 3 chhun 1, iā-sī án-ni.
Chit-ê hoat-tō͘ khah hó in-ūi kiám téng-lia̍t khah-ōe chhò-gō͘.
Só͘-í siat chit-ê chioh-hêng ê hoat-tō͘.
Koh khòaⁿ piⁿ-thâu só͘ pâi-lia̍t ê siàu chīu kiám-chhái ōe khah bêng
4 2 ＿ 2 |
14 12 ＿ 2 |
4 kiám 2 chhun 2. Téng-lia̍t ē-lia̍t pîⁿ-pîⁿ tio̍h thiⁿ 10, tsòe 14, 12, iû-goân chhun 2.
Taⁿ tio̍h koh khòaⁿ pún-siàu.
5 kiám 6 bô thang kiám, chīu téng-lia̍t tio̍h thiⁿ 10, tsòe 15. Lóng m̄-sái kóng chioh, iā m̄-sái gī-lūn hit-ê 10 tùi tah-lo̍h lâi, kan-ta thiⁿ-chham 10 tiāⁿ-tiāⁿ. Kiám 6 chhun 9. Taⁿ in-ūi téng-lia̍t í-keng ū thiⁿ-chham 10, chīu e-lia̍t iā tio̍h thiⁿ 10, tsóng-sī tsa̍p-ūi lâi thiⁿ, tio̍h thiⁿ 1 tiāⁿ-tiāⁿ (chīu-sī 1 tsa̍p), 2 thiⁿ 1 kiōng 3. 4 kiám 3 chhun 1. 3 (chīu-sī 3 pah) kiám 8 (chīu-sī 8 pah) bô thang kiám chīu téng-lia̍t thiⁿ-chham 10 tsòe 13 (chīu-sī pah) kiám 8 chhun 5 (chīu-sī 5 pah). Ē-lia̍t thiⁿ 10 (10 pah chīu-sī 1 chheng). 2 thiⁿ 1 kiōng 3. 4 kiám 3 chhun 1.
Chiah ê siàu tio̍h pâi-lia̍t lâi sǹg.
1. Tùi 42134 lâi kiám 18765; tùi 46622 lâi kiám 38742; tùi 40000 lâi kiám 20040. 2. Góa khiàm lâng 1860 chîⁿ, chīu hō͘-i chi̍t-kho͘ gûn ōe ōaⁿ-tit 1190 chîⁿ: tio̍h koh hō͘-i chîⁿ jōa-tsōe? 3. Lâng ū chîⁿ 11345 chīu the̍h-chhut 9203: iáu chhun jōa-tsōe-mah? 4. Só͘ pâi-lia̍t ê siàu tio̍h khàu-tû khòaⁿ si̍t jōa-tsōe:
135876 96789 ＿＿＿＿ |
10000 9999 ＿＿＿ |
101010 89899 ＿＿＿＿ |
101001000 99999999 ＿＿＿＿＿ |
101 11 ＿＿ |
