Page:Pit Sòan Ê Chho͘ Ha̍k.djvu/14

Ùi Wiki Tô·-su-kóan
Cī siŏh-hiĕk gó muôi gáu-dó̤i

17

  1. Chi̍t-ia̍h-chheh chi̍t-pêng káu-tsōa, chi̍t-tsōa jī-tsa̍p-sì jī: Poeh-ia̍h lóng-kiōng攏共 jōa-tsōe偌濟 jī? Tek 3456.

Kiám-chhái檢彩 hoat-siàu法數 ū kúi-nā幾若 ūi, chīu tio̍h pâi-lia̍t排列 si̍t-siàu-ē, hō͘ toaⁿ tùi toaⁿ, tsa̍p tùi tsa̍p í-siōng以上 sûi-ūi saⁿ-tùi; chīu tio̍h chiong hoat ê toaⁿ-ūi單位 ê siàu lâi sêng si̍t-siàu實數, só͘ tit-tio̍h得著 ê siàu tī-hûn-ē, kiò i tsòe tē-it-lia̍t. Koh tio̍h ēng hoat ê tsa̍p-ūi十位 ê siàu chiàu-kū sêng si̍t-siàu實數, só͘ tit-tio̍h得著 tsòe tē-jī-lia̍t, tsóng-sī in-ūi因為 chit-lia̍t toaⁿ-ūi單位 chīu tio̍h téng-lia̍t ê tsa̍p-ūi-ē khí-sin-kí. Ēng hoat ê pah-ūi百位 ê siàu lâi sêng iā-sī an-ni; só͘ tit-tio̍h得著 ê siàu tio̍h tsòe tē-saⁿ-lia̍t, iā tio̍h tùi pah ūi kì-khí: í-siōng以上 lóng chiàu chit-ê即个 hoat-tō͘法度.

Bêng-pe̍k明白 tio̍h koh u̍ih-hûn劃痕, chiàu Ka-hoat加法 lâi kiat, hûn-ē痕下, só͘ tit-tio̍h得著 chīu-sī就是 tsóng-siàu總數.

Siat-sú設使 ū pún-siàu本數 1678, beh ēng 243 lâi sêng-i, chīu tio̍h siá 1678 tsòe sit, 243 tsòe hoat u̍ih-hûn劃痕, ēng hoat toaⁿ-ūi單位 ê 3 lâi sêng hit-ê si̍t, só͘ tit-tio̍h得著 ê 5034 tio̍h siá hûn-ê tsòe tē-it lia̍t. Koh tio̍h ēng hoat tsa̍p-ūi十位 ê 4 lâi sêng hit ê si̍t, só͘ tit-tio̍h得著 ê 6712 tio̍h siá tsòe tē-jī lia̍t, tsóng-sī總是 in-ūi因為 2 si̍t-tsāi實在 20 tio̍h siá tsa̍p-ūi十位, 1 pah-ūi百位 ê 2 lâi sêng hit ê si̍t. 2, 8 16 6 chìn 1, tsóng-sī總是 chit-ê即个 16 si̍t-tsāi實在 16 pah só͘-í所以 tio̍h 6 pah-ūi百位, í-siōng以上 lóng sêng-liáu, só͘ tit-tio̍h得著 ê 3356 tio̍h tsòe tē saⁿ-lia̍t: koh u̍ih-hûn劃痕, só͘ tit-tio̍h得著 saⁿ-tiâu-siàu tio̍h chiàu ka-hoat加法 lâi kiat; só͘ tit-tio̍h得著 ê 407754 chīu-sī就是 tsóng-siàu總數.

Siat-sú設使 beh ēng 140503 lâi sêng 45000726. Pâi-lia̍t, u̍ih-hûn劃痕 bêng-pe̍k明白, tio̍h ēng 3 lâi sêng hit-ê si̍t, só͘ tit-tio̍h得著 ê siàu tsòe tē-it lia̍t. Tsa̍p-ūi ê 0 sêng , tsóng-sī總是 tio̍h tē-it lia̍t ê tsa̍p-ūi-ē 0 thang lâu i-ê ūi, koh tio̍h ēng pah-ūi百位 ê 5 lâi sêng hit-ê sit, só͘ tit-tio̍h得著 ê siàu tsòe tē-jī lia̍t, tsóng-sī總是 tio̍h tùi pah-ūi百位 kì-khí. Chheng-ūi千位 ê 0 sêng , nā-sī若是 tio̍h 0 lâi lâu i-ê ūi; ēng bān ūi ê 4 lâi sêng, só͘ tit-tio̍h得著 kap tú-á só͘ ê 0 tsòe tē-saⁿ lia̍t. Tsa̍p-bān ê ūi ê 1 lâi sêng, só͘ tit-tio̍h得著 síu tsòe tē-sì lia̍t, tùi tsa̍p-bān ê ūi kì-khí; u̍ih-hûn劃痕 lâi kiat, só͘ tit-tio̍h得著 ê tsóng-siàu總數 chīu-sī就是 6322737005178.