Cī siŏh-hiĕk gó muôi gáu-dó̤i
- Saⁿ-bān liân la̍k-tsa̍p-sì; si-chheng-poeh; nn̄g-pah-ek liân saⁿ-chheng-jī; chi̍t-chheng nn̄g-pah saⁿ-tsa̍p-sì-tiāu gō͘-chheng la̍k-pah-ek káu-chheng chi̍t-pah jī-tsa̍p-saⁿ-bān. Sì-chheng tiāu liân gō͘-pah; sì-chheng-keng saⁿ-ek liân gō͘-ê.
- Saⁿ-kai liân gō͘-pah; sì-keng poeh chheng chhit-pah sì-tsa̍p-jī-tiāu liân gō͘-pah-ek; Sì-ek liân la̍k-ê; la̍k-pah-ek saⁿ-bān liân la̍k-pah-la̍k.
Chí la̍k-ê kì-hō iā tio̍h ha̍k-si̍p kàu ōe jīn-bêng sòa siá hó-khòaⁿ.
- ＋(thiⁿ) ì-sù chīu-sī iū-chhiú ê siàu tio̍h thiⁿ-chham tsó-chhiú-ê, khoàn kiōng jōa-tsōe.
- －(kiám) ì-sù chīu-sī iū-chhiú ê siàu tio̍h tùi tsó-chhiú-ê khàu-khí-lâi, khòaⁿ chhun jōa-tsōe.
- ×(siong-sêng) ì-sù chīu-sī iū-chhiú tsó-chhiú ê siàu tio̍h siong-sêng khòaⁿ tit-tio̍h jōa-tsōe.
- ÷(pun) ì-sù chīu-sī tio̍h ēng iū-chhiú ê siàu lâi pun tsó-chhiú-ê
- =(pîⁿ-pîⁿ) ì-sù chīu-sī iū-chhiú, tsó-chhiú ê siàu pîⁿ-tōa.
- ∴(só͘-í)
Siat-sú siá 3+4=7, ì-sù chīu-sī 3 kap 4 kiōng tsòe 7.
5-3=2 ì-sù chīu-sī 5 kiám 3 chhun 2.
5×4=20 ì-sù chīu-sī 5 kap 4 siong-sêng chīu tit-tio̍h 20.
20÷4=5 ì-sù chīu-sī, ēng 4 lâi pun 20 chīu tit-tio̍h 5; in-iū 20 chiok 4 gō͘-pē.
KA-HOAT
Ēng kúi-nā tiâu-siàu ha̍p-kiōng tsòe chi̍t-tiâu, hō tsòe Ka-hoat, iā thang kiò tsòe Ke-hoat.
3 ke 5, ha̍p-kiōng poeh-ê: 8 ke 7, ha̍p-kiōng 15. Kiám-chhái ū saⁿ-tiâu á-sī si-tiâu, chīu nn̄g-tiâu tio̍h siong-ka, khòaⁿ ha̍p-kiōng kúi-ê, chiah só͘ tit-tio̍h ê siàu tio̍h kap tē-saⁿ-tiâu siong-ka. Siat-sú 5, 7, 8, 4 beh siong-ka, chīu tio̍h kóng: 5 ke 7, ha̍p-kiōng 12; 12 ke 8; ha̍p-kiōng 20; 20 ke 4, ha̍p-kiōng 24.
