Page:Pit Sòan Ê Chho͘ Ha̍k.djvu/61

11. Bó͘-lâng某儂 kè-óng lâu i-ê-gia̍p hō͘予 bó͘畝 kap kiáⁿ-jî囝兒. Bó͘畝 tio̍h着 pun分 saⁿ-hūn-chi̍t, só͘所 chhun-ê tio̍h着 pun分 hō͘予 kiáⁿ-jî囝兒, gō͘-lâng, pîⁿ-pîⁿ平平 tit-tio̍h得著. Tsoân-gia̍p ta̍t值 3767 kho͘箍 2 kak-pòaⁿ, chīu就 bó͘畝 tit-tio̍h得著 jōa-tsōe偌濟? Kiáⁿ-jî囝兒 múi-lâng每儂 jōa-tsōe偌濟? Tek得 1255・75, 502・3.
12. Nn̄g-ê hiuⁿ-lí, sìⁿ Nâ, sìⁿ Iûⁿ, saⁿ-oàn-ke. Iûⁿ sí 16 lâng儂, Nâ, bô無. Koaⁿ-hú lâi-pān chīu就 hoat法 sìⁿ Nâ kiōng共 15000 gûn銀, chiong將 saⁿ-hūn ê个 nn̄g-hūn chhiong-lo̍h-koaⁿ, kî-û pun-hō͘分予 Iûⁿ saⁿ-ê ke-tiúⁿ thang通 pê-jîn-bēng. Ke-tiúⁿ chi̍t-ūi一位 ū有 sí 7 lâng儂, chi̍t-ūi一位 5 lâng儂, chi̍t-ūi一位 4 lâng儂: mn̄g問, koaⁿ-hú kap ke-tiúⁿ múi-ūi tit-tio̍h得著 jōa-tsōe偌濟? Tek得 10000, 2187・5, 1562・5, 1250.
13. Ū有 lō͘ 3 phò͘ 2 lí里 154 pō͘步 4 chhioh尺 chin-khâm-khia̍t, chīu就 pù-lâng la̍k-ê phín-bêng tàu-siu-lí. Só͘-siu-ê, sûi-lâng隨儂 pîⁿ-hn̄g; mn̄g問, chi̍t-lâng一儂 siu kúi-lí? Koh閣, siu chi̍t-lí一里 ê个 só͘-hùi所費 tsòe做 180 kho͘箍; chīu就 múi-lâng每儂 tio̍h着 khai jōa-tsōe偌濟? Tek得 5 145 4; 972・9.
14. Ū有 thàn賺 tō-lí ê个 lâng儂, tsòe-kang做工, ji̍t-ji̍t日日 thàn賺 nn̄g-kak, nî-nî hioh lé-pài-ji̍t kap chiaⁿ-ge̍h chhoe-it tiāⁿ-tiāⁿ定定, kiám-chhái檢彩 lé-pài-ji̍t tsòe做 chiaⁿ-ge̍h chhoe-it, chīu就 pài-it iā也 hioh-kang. Chi̍t-ê一个 lâng儂 tio̍h着 kúi-nî chiah ōe會 thàn賺 909 kho͘箍? Tek得 14 177.
15. Bóe買 pe̍h-io̍h白藥 41 kun斤 9 niú兩 6 chîⁿ錢 kiōng共 998 kho͘箍 6; chi̍t一 kun斤 kúi-kho͘幾箍? Tek得 24.
16. Kiám-chhái檢彩 ū有 gûn銀 561892 kun斤 13 niú兩 1 chîⁿ錢 2 hun分 hō͘予 hiaⁿ-tī pîⁿ-pun chīu就 ta̍k-lâng逐儂 tit-tio̍h得著 70236 kun斤 9 niú兩 6 chîⁿ錢 4 hun分. Hiaⁿ-tī kúi-lâng? Tek得 8.
17. Kong chhân田 1455 bó͘畝 hō͘予 pâng-thâu pîⁿ-pun. Te̍k-ke tit-tio̍h得著 60 bó͘畝 6 hun分 6 pō͘步. Ke kúi-ê? Tek得 24.
18. Ko-phi 7 kun斤 2 niú兩 ta̍t值 1 kho͘箍 chīu就 114 kun斤 ta̍t值 kúi-kho͘幾箍? tek 16.
19. Tōa tháng tsúi水 ū有 bōe-that-tit ê个 lāu chīu就 tio̍h着 tau̍h-tau̍h thiⁿ添 tsúi水 hō͘-i tīⁿ. Siat-sú設使 29 ji̍t日 4 tiám點 48 hun分 kú久 só͘所 lāu-chhut ê个 tsúi水 kiōng共 ōe會 móaⁿ tháng, chīu就 1 nî年 kú久 só͘所 lâu ê个 ōe會 móaⁿ tháng kúi-pái? Tek得 12・5.
20. Khòaⁿ看 19 tiâu條. Siat-sú設使 146 ji̍t日 kú久 só͘所 lāu ê个 tsúi水 ōe會 móaⁿ tháng, chīu就 1 nî年 kú久 ōe會 lāu kúi幾 tháng? Siat-sú設使 58 ji̍t日 9 tiám點 36 hun分 kú久 móaⁿ tháng ōe會 lāu chīu就 1 nî年 kú久 tháng ōe會 lāu? Tek得 2・5; 6・25.
21. 8 kho͘-gûn ōe會 bóe買 57 kun斤 ko-phi, chīu就 chi̍t-kho͘ ōe會 bóe買 jōa-tsōe偌濟? Chi̍t-kak-gûn, jōa-tsōe偌濟? 5 kho͘箍, jōa-tsōe偌濟? 2 kho͘箍, jōa-tsōe偌濟? Koh閣, chi̍t-kun tio̍h着 jōa-tsōe-gûn? 3 kun斤, jo̍a-tsōe? 4 kun斤 8 niú兩, jōa-tsōe偌濟? 10 kun斤 4 niú兩, jōa-tsōe偌濟? 12 kun斤 14 niú兩, jōa-tsōe偌濟? Tek得 7 2, 0 11 4, 35 10, 14 4. ・14, ・42, ・63, 1・435, 1・802.