本頁尚未校對
- Chi̍t-ji̍t tōe-kiû lìn chi̍t-ē; tōe-kiû teh lìn lâng khòaⁿ ji̍t-thâu ná chhin-chhīuⁿ teh-kiâⁿ: mn̄g; Ji̍t-thâu chi̍t-tiám-cheng kú tio̍h kiâⁿ kúi-tō͘? Tek 15.
- Ji̍t-thâu kiâⁿ 63 tō͘ 25 hun tio̍h kúi-tiám cheng-kú? Tek 4 13 40.
- Tāi-Eng-kok ê kiaⁿ-siâⁿ, Lûn-tun, pí Ē-mn̂g khah-óa sai-hng 118 tō͘ 16 hun, chīu, Lûn-tun tú-tú ji̍t-tàu-sî, Ē-mn̂g, téng-po͘ á ē-po͘? Kúi-tiám-cheng? Koh, Ē-mn̂g tú-tú ji̍t-tàu-sî, Lûn-tun, téng-po͘ á ē-po͘? Kúi-tiám-cheng? Tek Ē-po͘, 7 53 4. Téng-po͘, 4 6 56.
- Lûn-tun, ē-po͘ 3 tiám-cheng, chīu Ē-mn̂g, téng-po͘ á ē-po͘? Kúi-tiám-cheng? Ē-mn̂g, ē-po͘ 3 tiám-cheng, chīu Lûn-tun téng-po͘ á ē-po͘? Kúi-tiám-cheng? Tek Ē-po͘, 10 53 4 Téng-po͘, 7 6 56.
- Tāi-Bí-kok ê Kim-soaⁿ pí Ē-mn̂g khah-óa tang-hng 163 tō͘ 55 hun 30 biáu, chīu Kim-soaⁿ téng-po͘ 9 tiám-pòaⁿ, Ē-mn̂g kúi-tiám-cheng? Koh, Ē-mn̂g, téng-po͘ 9 tiám-pòaⁿ, Kim-soaⁿ kúi-tiám-cheng? Tek Tsā-hng 10 34 18, Ē-po͘ 8 25 42.
- Thoân-ló beh tsòe seng-lí, chioh-pún 348 kho͘-pòaⁿ, chīu ge̍h-ge̍h hoat-lāi, saⁿ-nî-pòaⁿ kú kiōng hoat 292 kho͘ 7 kak 4. Tiāⁿ-tio̍h lī-sek kúi-hun? Tek 2.
Tsa̍p-tsok ê siàu thang hō͘ ha̍k-seng liān.
- Tùi Tiong-kok kàu Se-kok kià-phoe, 3 chîⁿ 6 hun tāng, phoe-lē chi̍t-kak-gûn, chīu chi̍t-bān hong tio̍h kúi-kho͘? Tek 1000.
- Chi̍t-kun-tê ōe bōe-tit saⁿ-kak-pòaⁿ, chīu 530 kun ta̍t kúi-kho͘-gûn? Tek 185・5.
- La̍k-lâng beh khì Pak-kiaⁿ, phín lō͘-hùi tio̍h khui kok-lâng pîⁿ-tsōe. Só͘-hùi lóng-kiōng 752 kho͘ 7 kak, chi̍t-lâng tio̍h kúi-kho͘-gûn? Tek 125・45.
- Bó͘-lâng tù sin-bûn, chhit-ji̍t chi̍t-kî, múi-kî bōe 12800 tiuⁿ, chi̍t-tiuⁿ 40 chîⁿ. Sǹg chi̍t-kho͘-gûn ōaⁿ 1100 chîⁿ, chīu chi̍t-nî thang niá kúi-kho͘? Tek 24203・63.
- Kiám-chhái tû lé-pài-ji̍t í-gōa ta̍k-ji̍t ū sin-bûn-kî, múi-kî bōe 27840 tiuⁿ, chi̍t-tiuⁿ 30 chîⁿ, chīu chi̍t-nî thang niá kúi-kho͘? Tek 237652・36.
- Siat-sú tōa-pak-chhèng ê chi̍t-lia̍p-chí, chi̍t-biáu-kú ōe kiâⁿ 120 tn̄g, chīu ・25 hun-kú ōe kiâⁿ kúi-tn̄g? Chi̍t-khek-kú kúi-tn̄g? Tek 1800, 108000.
