Cī siŏh-hiĕk gó muôi gáu-dó̤i
- Kiám-chhái Tāi-Eng-kok ê kim-poa̍t-á ōe-ōaⁿ-tit 5 kho͘ nn̄g-kak-pòaⁿ, chīu 9765 kho͘ ta̍t kúi-ê kim-poa̍t-á? Tek 1860.
- Ji̍t-thâu ê kng tio̍h kiâⁿ 8 hun 13 biáu kú chiah kàu-tōe. Kiám-chhái chiàu chi̍t-hoat lâi káng-kiù, kng, chi̍t-biáu-kú, ōe kiâⁿ 620130 lí: chiàu koh chi̍t-hoat lâi káng-kiù, 619000 lí tiāⁿ-tiāⁿ. Chiàu che nn̄g-hoat lâi sǹg ji̍t lī tōe jōa-hn̄g, cheng-tsoa̍h tio̍h kúi-lí? Tek 557090.
- Chi̍t-ge̍h tú-tú 2551443 biáu, mn̄g: kúi-ji̍t? Tek 29 12 44 3.
- Siat-sú ge̍h tōa-sòe liân-liân saⁿ-sòa, kàu 40 ge̍h-bé ōe tsoa̍h kúi-ji̍t? Tek 1 5 22.
- Chi̍t-nî tùi tang-tsoeh kàu tang-tsoeh, tú-tú 31556928 biáu, mn̄g: kúi-ji̍t? Tek 365 5 48 48.
- Pêng-sî sǹg chi̍t-nî, tùi tang-tsoeh kàu tang-tsoeh, 365・25 ji̍t, chīu-sī liân-liân saⁿ-nî sǹg 365 ji̍t, tē-sì-nî 366 ji̍t. Chhin-chhīuⁿ án-ni lâi-sǹg chīu sì-nî-móa ōe tsoa̍h kúi-hun-kú? Koh ài bián tsoa̍h chi̍t-ji̍t tio̍h kúi-nî chiah chi̍t-keh tē-sì-nî m̄-sái thiⁿ-chi̍t-ji̍t? Tek 44 48, 128.
- Ti̍t-ti̍t kiâⁿ, lâi-se̍h tōe-kiû, tio̍h kiâⁿ 131250000 chhioh ê lō͘, mn̄g: tio̍h kiâⁿ kúi-lí? Koh, kiám-chhái ji̍t-ji̍t kiâⁿ 80 lí tio̍h kiâⁿ kúi-ji̍t chiah se̍h bêng-pe̍k? Tek 72916・6, 911・4583.
- Lîm-Súi, Lîm-Bo̍k, nn̄g-ê peng-teng, teh-pé-síu ê sî, Súi hut-jiân kìⁿ-tio̍h Bo̍k khit tōa-lia̍p chhèng-chí phah-sí. Siat-sú, chi̍t-biáu-kú, chhèng-chí kiâⁿ 120 tn̄g, khui-chhèng-ê-siaⁿ 114 tn̄g, koh, tōa-pak-chhèng 2280 tn̄g hn̄g; mn̄g: Súi tio̍h koh kúi-biáu chiah ōe thiaⁿ khui-chhèng-ê-sia? Tek 1.
- Bóe-thih, thang pho͘ hé-hun-chhia ê lō͘, siat-sú chi̍t-kun tio̍h kak-chhit-gûn, chīu 16 ín 1 tàⁿ 56 kun tio̍h kúi-kho͘? Tek 570・52.
- Siat-sú ge̍h lī tōe 768200 lí, koh tōa-lia̍p chhèng-chí, chi̍t-biáu-kú, kiâⁿ 1200 chhioh; mn̄g: Tio̍h kúi-ji̍t chiah ōe tùi-tōe kiâⁿ kàu ge̍h? Tek 13 8 5.
- Seng-lí-lâng saⁿ-ê. chi̍t-ê sìⁿ Lâu, chi̍t-ê sìⁿ Lí, chi̍t-ê sìⁿ Tân, kau-koan óng-lâi, kàu-nî-bé kiat-siàu. Chiàu Lâu ê tsóng-phō͘, Lí khiàm-i 25 kho͘ 8 kak 6 chiam, Tân khiàm-i 37 kho͘ 4 kak 9 chiam-pòaⁿ; chiàu Lí ê tsóng-phō͘ Lāu khiàm-i 31 kho͘ 1 kak 7 chiam, Tân khiàm-i 42 kho͘ 8 kak 5 chiam 7; chiàu Tân ê tsóng-phō͘ Lâu khiàm-i 48 kho͘ 9 kak 3 chiam, Lí khiàm-i 35 kho͘ 6 kak 4 chiam. Saⁿ-kap hōe-siàu, Lí, Tân tiông kúi-kho͘? Lâu khiàm kúi-kho͘? Tek 12・527, 4・218, 16・745.
- Nn̄g-chiah-tsûn tàu-tsáu, chi̍t-chiah chìn 16 tn̄g chīu hit chiah chìn 16 tn̄g 5 chhioh. Kiâⁿ khah-bān hit-chiah í-keng kiâⁿ chi̍t-phò͘, chīu nn̄g-chiah saⁿ lī kúi-tn̄g? Tek 56・25.
