Page:Pit Sòan Ê Chho͘ Ha̍k.djvu/70

4. Kiám-chhái檢彩 tōe-kiû地球 hun分 tsòe做 12 kiong koh閣 chi̍t一 kiong thàn賺 ji̍t-thâu日頭 ê个 lō͘ ū有 6806・8 lí里, chīu就 tùi對 tōe-bīn地面 kàu到 tōe-kiû-sim地球心 kúi-lí? Tek得 13000.
5. Kiám-chhái檢彩 phah-kiû-po͘, îⁿ-îⁿ-ê, an tiong-sim中心 kè-khì 50 tn̄g丈. Hit-po͘ kúi-bó͘? Tek得 32・725.
6. Kiám-chhái檢彩 lâi來 se̍h踅 ge̍h月 tio̍h着 kiâⁿ行 22833 lí里, chīu就 tùi對 ge̍h-bīn月面 kàu到 tiong-sim中心 kúi-lí? Tek得 3634.

NIÛ-CHHNG

Khòaⁿ看 téng-bīn頂面, niû-tiân hit-ê彼个 tô͘, siat-sú設使 múi sù-hong-keng téng-bīn頂面 ū有 hē chi̍t-khia-siuⁿ-á, múi-bīn chi̍t一chhioh尺 sù-hong四方, chīu就 toh-téng ū有 chi̍t-ûn siuⁿ-á, koâiⁿ懸 chi̍t一chhioh尺: siuⁿ-á ê个 gia̍h額 24 khia. Hē koh閣 chi̍t-ûn, chīu就 siuⁿ-á 2 chhioh尺 koâiⁿ懸, koh閣 i-ê gia̍h額 = 24 × 2 = 48. Lâi來 koh閣 hē, gia̍h額 éng = koâiⁿ懸 × khoah闊 × tn̂g長. Tn̂g長 × khoah闊 × koâiⁿ懸 thang通 kiò-tsòe叫做 li̍p-hong-chek立方積.

Kiám-chhái檢彩 koâiⁿ懸 , khoah闊, tn̂g長 ū有 kúi幾chhùn寸, kúi幾chhioh尺, á kúi幾bā碼 chīu就 li̍p-hong-chek立方積 tsòe做 li̍p-hong-chhùn立方寸, li̍p-hong-chhioh立方尺 á li̍p-hong bā碼. Kiám-chhái檢彩 tn̂g長, khoah闊, koâiⁿ懸 bô無 tâng-chi̍t-ê gia̍h-siaⁿ額聲, chīu就 bē siong-sêng相乘 tio̍h着 hòa-tsòe化做 tâng.

Siat-sú設使 chi̍t-li̍p-hong-chhioh tsúi水 chhìn-tāng 1000 niú兩 chīu就 chi̍t-khia-siuⁿ 3 bā碼 1 chhioh尺 6 chhùn寸 tn̂g長, 2 chhioh尺 5 chhùn寸 khoah闊, 1 chhioh尺 4 chhùn寸 chhim深, ōe會 kham-tit堪得 kúi幾tàⁿ擔 tsúi水?

3 bā碼 1 chhioh尺 6 chhùn寸 tio̍h着 siá寫 3 1・6 in-ūi因為 10 chhùn寸 1 chhioh尺. Kî-û iā也 thang通 chiàu照 sió-sò͘小數 ê个 hoat法 lâi-kì. Lóng攏 chiat折 tsòe做 chhioh尺, chīu就 siong-sêng相乘, tit-tio̍h得著 37・1 li̍p-hong-chhioh立方尺. Ēng用 1000 lâi-sêng來乘, tit-tio̍h得著 kúi幾niú兩 tâng. Hòa-tsòe化做 tàⁿ擔, tit-tio̍h得著 23 tàⁿ擔 18 kun斤 12 niú兩.