Kiám-chhái tùi kiû-bīn kàu kiû-sim = h, chiū kiû ê li̍p-hong-chek = 4/3h × h × h × 3.1416.
Tháng ê li̍p-hong-chek = tóe ê pêng-hong-chek × koâiⁿ.
Kiám--chhái tháng-tóe kap tháng-kòa bô pîⁿ-tōa chīu tháng ê li̍p-hong-chek = tóe kap kòa pêng-hong-chek ê chi̍t-pòaⁿ × koâiⁿ.
Chiah ê siàu ha̍k-seng tio̍h sǹg.
1. Chi̍t-chiah tōa-ko͘ ū chhù thang hē-tê, si̍t-lāi 24 chhioh-pòaⁿ tn̂g, 12 chhioh 4 chhùn khoah, 10 chhioh koâiⁿ: tê-siuⁿ, múi-bĭn chit-chhioh sù-hong, ōe-hē-tit kúi-khia? Tek 3038.
2. Têng-siàu só͘-kóng hit-chiah-tsûn ōe-hē-tit kúi-khia, tn̂g, khoah, chhim 1 chhioh, 1 hhioh 4 chhùn, 1 chhioh 4 chhùn? Tek 1550.
3. Tn̂g, khoah, chhim. 1 chhioh, 1 chhioh 4 chhùn, 1 chhioh 7 chhùn-pòaⁿ, chīu kúi-khia? Tek 1240
4. Tn̂g, khoah, chhim 1 chhioh 7 chhùn-pòaⁿ, 1 chhioh, 1 chhioh 7 chhùn-pòaⁿ, chīu kúi-khia? Tek 992.
5. Ū chit-khia-siuⁿ, si̍t-lāi múi-bīn 4 chhioh sù-hong; chit-khía móa-tsúi; hit-ê tsúi kúi-tàⁿ? Tek 40.
6. Ũ hô-á chi̍t-phò͘ tn̂g, 5 tn̄g 4 chhioh khoah, chit-tn̄g-chhim: hit-ê tsúi kiōng kúi-tàⁿ? Tek 6075000.
7. Kiám-chhái ū tháng 5 chhioh koâiⁿ, i-ê tóe kap kòa pîⁿ-tōa, tùi sim kàu kîⁿ 1 chhioh: hit-tè-tháng ōe kham-tit tsúi kúi-tàⁿ? Tek 9 81 12.
8 Kiám-chhái tháng 5 chhioh koâiⁿ, koh kòa tùi-sim kàu kîⁿ 1, nā-sī tóe tùi-sim kàu-kîⁿ 2 chhioh, chiū ōe kham-tit kúi-tàⁿ? Tek 24 54 6.
KIÛ TÉNG-SÒ͘.
Kiám-chhái ēng chi̍t-tiâu-siàu tsòe-hoat lâi-pun kúi-nā tiâu, pun ōe, chīn, chīu hit-ê hoat-siàu kiò-tsòe téng-sò͘. Phì-lūn kóng: 12, 18, 24, ēng 6 lâi-pun-i, pun ōe chīn, chīu 6 tsòe téng-sò͘. En̄g 3 lâi-pun-i, iā pun ōe chin, chīu 3 iā tsòe téng-sò͘. Kiám-chhái iàu-kín ài tit-tio̍h nn̄g-saⁿ tiâu-siàu siōng-tōa ê téng-sò͘, phì-lūn kóng: 130, 182, che nn̄g-tiâu-
