Sam-jū-keng Sin-choān Pe̍k-oā Chù-kái/Sam-jū-keng 10

Sam-jū-keng Sin-choān Pe̍k-oā Chù-kái
三字經新篡白話註解 (1894 nî)
Sam-jū-keng 10
Chok-chiá: Î Jiâu-lí

1904 nî tiông-ìn.

109	融	Hiông	Hiông (= Khóng Hiông)
110	四	sù	sì
111	歲	sòe	hòe

112	能	lêng	ē
113	讓	liōng	niū
114	梨	lê	lâi-á

115	弟	tē, tè	kiong-kèng, chīn sió-tī ê pún-hun
116	於	u	tī, i
117	長	tióng	hiaⁿ-ko, sī-tōa

118	宜	gî	ha̍p-gî
119	先	sian	tāi-seng, thàn-chá
120	知	ti	chai

“Hiông tī sì-hòe ê sî ē-hiáu-tit niū lài-á. Ań-ni-seⁿ, kiong-kèng tī hiaⁿ-ko ê pún-hūn, ta̍k-lâng ha̍p-gî tio̍h tāi-seng chai”.

‘Hiông’ chiū-sī Hàn-tiâu chit-ê jîn-sîn ê miâ. I sèⁿ Khóng, sī Khóng-chú ê hō͘-è. Ū lâng thoân kóng,—Ū chit-sî i kap chèng hiaⁿ-ko teh saⁿ-kap chia̍h lâi-á, chiū tau̍h-tau̍h kéng hit-hō sè-lia̍p--á. Lâng mn̄g i-ê iân-kò͘. I ìn kóng,—Góa sī sè-hàn, só͘-í, eng-kai tio̍h the̍h sê-lia̍p. Chong-cho̍k lāi lóng chheng-ho͘ i-ê kî-īⁿ (Khòaⁿ Ji̍t-kì Kò͘-sū). Hoān-nā lâng tio̍h o̍h chit-ê gín-ná ê khiam-pi lâi niū sī-tōa lâng.