Si nā chia̍p siá
Ki-khiáu jú liān jú khiáu
Tòng-thâu chiū jú ū
Ko-tiâu chiū jú ko-tiâu
Nā kú bô siá
Siá-tio̍h ē thiàⁿ
Khoaⁿ-khoaⁿ-á siá chiū koh khoaⁿ-khoaⁿ-á kut-liu
Lêng-kám ná chúi-choâⁿ tı̍t chhèng
Ná chhiūⁿ chúi ná ek
Té-si, siá hō͘ ū-la̍t
Tn̂g-si, liân-liân mı̂-mı̂
Ko-tiâu chı̍t hong koè chı̍t hong
Chia̍t-ūn-si, liâm-piⁿ kàu chām
Hong-piān koh khin-sang
Hong-keh ài ū piàn-hoà
Ài ū chhòng-ı̀
Tha̍k-tio̍h chiah bē ià-siān
Ài ū chhim-tō͘
Chiah ē ài beh chı̍t piàn tha̍k koè chı̍t piàn
Si, iân-á gı̂m ai-ioh
Koa, lí to̍h iân-á haiⁿ oh
