chiũ khiã tõ sài-chiá mīn-tsôiⁿ. [4] I chiũ tùi hṳ́-hùaⁿ khiã tõ i mīn-tsôiⁿ chiá tap-tàⁿ, Nín tie̍h kāng-i thǹg-tiāu chí tsùaⁿ u-ùe kâi i-ho̍k. Iũ tùi Iak-su-a tàⁿ, Lṳ́ thóiⁿ, lṳ́-kâi tsũe-ak uá ũ kāng lṳ́ khṳ́-tiāu, uá iā àiⁿ kāng-lṳ́ chhēng ngiá kâi i-ho̍k. [5] Uá chiũ tàⁿ, In tie̍h chiang kiet-chẽng kâi thâu-pòu phuân tõ i-kâi thâu-chiēⁿ. In chiũ chiang kiet-chẽng kâi thâu-pòu phuân tõ i-kâi thâu-chiēⁿ, kũa kāng-i chhēng i-ho̍k; Iâ-hô-hûa kâi sài-chiá iā khiã tõ-kò. [6] Iâ-hô-hûa kâi sài-chiá chiũ tùi Iak-su-a chèng-kṳ̃, tàⁿ, [7] Buān-khûn kâi Tsú Iâ-hô-hûa chièⁿ-seⁿ tàⁿ;
Lṳ́ jia̍k-sĩ kiâⁿ tõ uá-kâi lōu, iũ siú uá só hun-hù siú kâi, lṳ́ iā chiũ pit kuán-lí uá-kâi tshù, thóiⁿ-siú uá-kâi tōiⁿ-tiâⁿ; uá iā àiⁿ sṳ̀ lṳ́ hó tshut-ji̍p tõ chí tsùaⁿ tõ-khiã--chiá tsṳ-tang. [8] Chì-si-chiáng Iak-su-a! lṳ́ tie̍h-thiaⁿ, lṳ́ kũa
