in tsõ tõ lṳ́ mīn-tsôiⁿ kâi tâng-phũaⁿ; in-ũi chí tsùaⁿ-nâng sĩ tsò ki-tiãu kâi nâng: uân-in uá àiⁿ ín-tshut uá-kâi po̍k, chiũ-sĩ kiè-tsò Gê-sún. [9] In-ũi lṳ́ thóiⁿ, lũn uá tõ Iak-su-a mīn-tsôiⁿ só-li̍p kâi chie̍h; tõ che̍k-kò chie̍h ũ chhit-kâi ma̍k: buān-khûn kâi Tsú Iâ-hô-hûa tàⁿ, Uá pit àiⁿ tiau-khek chie̍h-chiēⁿ só tiau-khek kâi, hṳ́-kâi tī kâi ak, uá iā tõ che̍k-ji̍t tsṳ-kan chiũ àiⁿ tŵ-tiāu.
[10] Buān-khûn kâi Tsú Iâ-hô-hûa tàⁿ, Tõ hṳ́-ji̍t nín kak-nâng pit àiⁿ chhiáⁿ i-kâi tshù-piⁿ, tõ phû-thô kũa bô-hue-kúeⁿ kâi chhiū-ẽ.
4
Kāng-uá tàⁿ-ūe kâi sài-chiá tsài-lâi, chiũ kiah-chhéⁿ uá, chhin-chhiẽⁿ nâng u̍t--khṳ̀ pun nâng kiah-chhéⁿ hièⁿ-seⁿ. [2] I chiũ tùi-uá tàⁿ, Lṳ́ thóiⁿ-kìⁿ sĩ-mih kâi né? Uá chiũ tàⁿ, Uá ũ thóiⁿ, thóiⁿ-kìⁿ che̍k-kâi teng-chhiū, tsn̂g-kâi sĩ kim kâi,
