lâi sĩ sĩ-mih kâi. [6] Uá tàⁿ, Sĩ sĩ-mih kâi? I chiũ tàⁿ, Chí-kâi chiũ-sĩ kâi táu chí-hûe tshut--lâi kâi. Iũ tàⁿ, Chí-kâi sĩ in tshuân-tī kâi hêng-tsuãng: [7] (iáu ũ che̍k-khou în khie̍h--tshut-lâi;) chí-kâi iũ sĩ che̍k-kâi hũ-jîn tsõ tõ táu-tói. [8] I chiũ tàⁿ, Chí-kâi chiũ-sĩ Tsũe-ak; chiũ ka̍k i lo̍h tõ táu-tói; chiang hṳ́ che̍k-kò în ka̍k tõ táu kâi tshùi--chiēⁿ.
[9] Uá chiũ tièⁿ-phû uá-ma̍k chiũ thóiⁿ, thóiⁿ-kìⁿ ũ nõ-kâi hũ-jîn tshut--lâi, in-kâi sit-ẽ ũ huang; in ũ liáng-sit chhin-chhiẽⁿ ho̍h kâi si̍t hièⁿ-seⁿ; in chiũ hû-khí hṳ́-kâi táu tõ tī kũa thiⁿ kâi tong-kan. [10] Uá chiũ tùi kāng-uá tàⁿ-ūe kâi sài-chiá tàⁿ, Chí tsùaⁿ-kâi àiⁿ-tùa chí-kâi táu khṳ̀ tî-kò? [11] I chí kāng-uá tàⁿ, Aìⁿ kāng-i khí-tshù tõ Sĩ-ná tī: kàu kiẽn-hó--liáu, chiũ àiⁿ uaⁿ-tì i tõ hṳ́-kò, tõ i ka-kī kâi ūi.
