6
Uá chiũ tsài tièⁿ-phû uá-ma̍k, chiũ thóiⁿ, thóiⁿ-kìⁿ sì-tieⁿ chhia tshông-tõ nõ-kâi suaⁿ tsṳ-tang tshut--lâi; chí nõ-kâi suaⁿ sĩ tâng-suaⁿ. [2] Thãu che̍k-tieⁿ chhia hâm-kâi sĩ chhiah-bé; tõiⁿ-jī-tieⁿ chhia sĩ ou-bé; [3] tõi-saⁿ-tieⁿ chhia sĩ pe̍h-bé; tõiⁿ-sì-tieⁿ chhia ũ hue-tiám khiâng-tsàng kâi bé. [4] Uá chiũ tùi kāng-uá tàⁿ-ūe kâi sài-chiá tàⁿ, Uá Tsú a, chí tsùaⁿ-kâi sĩ sĩ-mih kâi, né? [5] Sài-chiá chiũ tùi-uá tap-tàⁿ, Chí tsùaⁿ-kâi chiũ-sĩ thiⁿ kâi sì-huang, chiũ-sĩ khiã tõ tshuân-tī kâi Tsú phâng-piⁿ, iáu tshông-tõ hṳ́-kò tshut--lâi. [6] Hṳ́-tieⁿ ũ ou-bé kâi chhia sĩ tùi pak-hng tshut--khṳ̀; pe̍h kâi sĩ tshông-tõ i-ãu chiũ tshut--khṳ̀; kũa hue-tiám kâi sĩ tùi nâm-hng tshut--khṳ̀. [7] Khiâng-tsàng kâi iā tshut--khṳ̀, khiû-tshūe àiⁿ-khṳ̀, lâi iû-kiâⁿ pìn-tī: i chiũ tàⁿ, Nín khṳ̀, iû-kiâⁿ pìn-tī. In chiũ iû-kiâⁿ pìn-tī.
[8] I chiũ hàm uá, kāng-uá tàⁿ-ūe, tàⁿ,
