só-thóiⁿ kâi ĩ-siãng chiũ pit àiⁿ siáu-lí; in iā pit bô lâm mô-mua lâi phièn-nâng: huán-tńg pit àiⁿ tàⁿ, [5] Uá tou m̄-sĩ soiⁿ-tsai-nâng, uá sĩ tsoh-tshân nâng: in-ũi uá tsṳ̃ iùⁿ-nîⁿ pun nâng bói--khṳ̀. [6] Iáu nâng chiũ àiⁿ-mn̄g i, tàⁿ, Tõ lṳ́ sang-chhiú tsṳ-tang chí tsùaⁿ-kâi sieⁿ-hûn sĩ tsò-nî, né? I chiũ àiⁿ tap-tàⁿ, Sĩ uá tõ uá tsu phêng-iú kâi tshù só siũ-sieⁿ kâi.
[7] To-kiàm a, chhéⁿ--khí lâi a! lâi kong-khek uá-kâi mo̍k-chiá, lâi kong-khek uá tâng-phūaⁿ kâi nâng, sĩ buān-khûn kâi Tsú Iâ-hô-hûa só-tàⁿ: tie̍h-phah mo̍k-chiá, iêⁿ chiũ hun-sùaⁿ: uá iā chiũ àiⁿ tńg-chhiú lâi khuán-thãi pui-mûi chiá. [8] Iáu pìn tshuân-tī in hṳ́-kò saⁿ-hun tsṳ nõ pit àiⁿ tṳ̂-mit tì-sí; iáu saⁿ-hūn tsṳ che̍k chiũ àiⁿ lâu-tshûn tõ hṳ́-kò, sĩ Iâ-hô-hûa só-tàⁿ. [9] Chí-kâi saⁿ-hūn tsṳ che̍k uá chiũ àiⁿ-tshūa in keng-kùe húe, chiũ àiⁿ tuàn-liēn in chhin-chhiẽⁿ ngṳ̂n kâi
